異空感應︳丁樂鍶演神經質女子被封趙希洛2.0 現實中仲係兼職禮儀師

陳家樂同陳曉華主演嘅《異空感應》，早兩晚嘅段落劇情，講述阮浩棕同丁樂鍶（Janice）一段病態關係，飾演「變態愛情腦」嘅Janice演繹出角色嘅癲喪，網民更封佢為「趙希洛2.0」。

丁樂鍶原來入行一段時間，2009年藝訓班畢業後即獲安排喺《美女廚房》中擔任「美味天使」腸粉，入行多年嘅佢拍《異空感應》前都知道戲份唔易應付，於是搵之前所參加戲劇班嘅老師張達明幫手教佢入戲。

唔少TVB演員都打多份工保障生計，丁樂鍶演戲以外仲係一個兼職禮儀師。Janice話因為阿姨關係所以有兼顧禮儀師工作，主要處理基督教同無宗教嘅喪禮儀式。「太傳統嘅儀式我未必好幫到，我多數都係執頭執尾，可能係幫手疊番靚啲花，例如幫手剪靚同疊靚啲花、然後畀賓客放喺棺木上，又或者睇吓家屬需唔需要幫手處理帛金，又或者喺佢哋心情好差時，有咩幫到手都盡量去幫手。」丁樂鍶認為禮儀師呢個行業，對佢而言最大嘅難處，可能係有時見到逝者嘅親友好傷心咁喺度喊，就算自己受到感染都要盡量忍住唔好喊。呢期《破．地獄》破晒票房紀錄，TVB可以考慮開返套，預埋丁樂鍶一份喎。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！