疑似港客出事 飛機降落前離開座位仲推跌兩空姐

Yahoo 旅遊

大家都知坐飛機時起飛及降落嘅前後,乘客都應該要坐於座位之上,以保障自己及其他人安全。不過大家亦應該都見過有個別野蠻乘客偏偏唔聽勸喻,要離座去廁所。近日長榮航空就透露,月初有一輛由香港飛往台北桃園嘅航機,於降落前有一位乘客要離座,被空姐阻止,但該位乘客憤而摔低餐盤,及後更強行離座並推倒兩位空姐,以致佢哋手部扭傷。機艙長出手勸告乘客後,該乘客先肯回座位。機長得悉後,即時於機上報警,航班順利降落後,該乘客即被警察帶走。長榮無透露涉事乘客係台灣人定香港人,但有其他乘客就話該男子係講廣東話,所以係疑似港客。長榮就強調公司唔容許有人襲擊員工及危害航空安全,表示一定會追究並控告涉事乘客。其實航班起飛、降落係飛機最為危險嘅時刻,所以乘客必須安坐座位之中,大家請忍耐,唔好要空服人員難做,更加唔好影衰香港人喇!  

航班上乘客同空服人員最容易爭執就係起飛降落時離座問題。

長榮航空表示一定會控告,保障員工安全。

唔少航班上因為爭執,導致飛行安全受影響。

相關文章:

澳洲大火-鱷魚先生家族救助9萬動物

2020年最安全航空公司排名-亞洲僅-公司入三甲

原來想救助澳洲火災而受害的無尾熊-最簡單方式就是多吃-lotte-小熊餅乾


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看