【疫境教學】答案放上網 教授出招捉網上考試出貓學生

19+

家長面對仔女嘅「悠長假期」而頭痛,其實做老師嘅雖然唔使日夜對住學生, 都一樣咁頭痛。


以往上堂交功課考試都有一定程序, 而家通通用唔著,即係要有新規矩啦。


網上流傳一封email,據講係美國一位大學教授發俾同學。

內文係話由於對上一次網上進行嘅考試,分數比平時其他學期高, 懷疑有同學出貓,但係冇辦法證明。


於是,教授出咗呢招,好絕︰ 佢喺期末考出咗一條形容為 「睇落合理,其實冇可能解答到,而且理論上係有錯」嘅題目。


之後,教授同教學助理,將呢條題目掟上網上「功課交流」平台(即係抄功課園地……)。


結果,七十幾個學生考試,有廿幾人「答對」呢條錯嘅問題, 咁即係當堂捉到佢地出貓啦!

教授話,呢班答對嘅學生,將會得到0分, 並且會向校方篤呢班違反誠信規則嘅同學。


不過呢個做法引來網友好大反應,有人覺得教授咁樣「釣魚」, 都有欺騙之嫌。

亦有意見認為,如果考試係容許搵資料嘅open book exam, 咁同學搵到呢個答案,又唔能夠話佢地係出貓。

只能夠講,呢次疫情之下,好多向來認為理所當然嘅嘢, 都唔再成立。


仲講老師對學生諄諄善誘春風化雨潤物無聲?唔好玩啦。

【相關搜尋】在家學習遭網路霸凌風險增

你可能還想看