疫市加租 個個失業何來有客? 司機愁眉:唔公平都要接受

東方日報
東方日報 OrientalDaily
市區的士車主正醞釀加租。(朱先儒攝)
市區的士車主正醞釀加租。(朱先儒攝)

【本報訊】面對加車租,的士司機們都一臉無奈,坦言:「抗疫基金未到手,已被加車租。雖然係唔公平,但都要接受,否則連百幾二百蚊嘅收入都無!」

每更收入減半 慘過沙士

的士司機張先生說:「車主要加車租,司機好被動,係弱者,無計啦!近日市道雖然稍有好轉,公務員恢復上班,夜市又逐步恢復,但仍然有好多人失業,何來有客?有錢都唔搭的士。」他指收入比疫前大跌一半,每更淨收入只得百多二百元,但總好過在家得個零。

另一位的士司機梁先生也稱,日日開工在的士站都大排長龍,等客的時間多,收入少,疫前每更都有五百元收入,但現時只得一半,最大影響是學生不用上課,上班族多數在家工作,海陸空關口又停頓。入行三十五年的他說,今次疫情影響收入至為嚴重,比沙士時更慘淡。

另一司機陳先生說近日市道稍為好轉少少,但搵食仍然艱難,他認為即使要加車租,都應等疫情過後才加。



的哥點睇
的哥點睇

















你可能還想看