【疫後旅行】親親大自然 考個潛水牌 邊度最方便?

【疫後旅行】親親大自然 考個潛水牌 邊度最方便?
【疫後旅行】親親大自然 考個潛水牌 邊度最方便?

一場新冠肺炎癱瘓全球旅遊業, 同時亦令大家有時間反思生命無常,唔少人都表示疫後好想去旅行,而且係希望接觸大自然,一方面感受一下世界嘅奇妙,另一方面感覺無去大城市人多咁危險,作為防疫都比較安全。今日為大家介紹幾個亞洲熱門學潛水地點,等大家可以報定名,疫後可以即刻出發,遠離塵囂,探探水底世界!

基本潛水牌介紹

要學潛水當然要知自己報嘅班係咪啱啦,潛水牌系統PADI,一般嚟講最初級要嘅牌就係俗稱「O牌」嘅Open Water Diver, 即開放水域潛水。無需任何經驗就可以去考,有基本水性及身體健康就可以,好多人問係咪一定要好叻游水同識踩水,其實只要識游水已經可以,最緊要係唔可以怕水。考獲O牌之後,就可以於各地開放水域下潛至多18米嘅水底。

泰國龜島 世界潛水工廠

首先介紹,就係陽光與海灘蘇梅,於附近有一小島名為龜鳥,島上有成60多間潛水公司,當中好多都有得考潛水牌,因為價錢平,非常多人特登前來考牌,故又有「世界潛水工廠」之稱。地理方面,龜島面積只有21公里大,屬於岩石島,海水極為清澈,擁有極多珊瑚及海洋生物;而且潮流唔大,適合新手,最開心係全年水溫約28度之間,極為舒服。於龜島學潛水,約1萬泰幣以下就搞掂(約2,500港元),時間約3至4日就可以考到牌呢!

泰國龜島 世界潛水工廠
泰國龜島 世界潛水工廠
泰國龜島 世界潛水工廠
泰國龜島 世界潛水工廠
泰國龜島 世界潛水工廠
泰國龜島 世界潛水工廠

台灣綠島 海龜隨處游

要數台灣潛水勝地,首選一定係綠島,作為黑潮支流最常經過嘅外島,綠龜有大量海洋生物,其中最常見係海龜,而且可以用勁近距離接觸,實屬非常難得。綠島水清,能見度非常好,所以同樣係學潛水好地點,一年四季不論風向,島上一樣有唔同潛水公司提供考牌課程,好多潛水店本身亦係民宿,提供「旅遊、住宿、潛水」一條龍服務,十分方便。價錢方面亦係非常抵玩,基本12,000台幣(約3,000港元),包幾天住宿、5堂課程、仲有多次Fun Dive,抵玩!

台灣綠島 海龜隨處游
台灣綠島 海龜隨處游
台灣綠島 海龜隨處游
台灣綠島 海龜隨處游
台灣綠島 海龜隨處游
台灣綠島 海龜隨處游

沖繩青之洞 藍色海底洞窟

香港人當然最愛日本,其實日本一樣可以考潛水牌,於沖繩最美潛水地點「青之洞」,就有唔少潛水公司。大家可以放心,好多潛水公司教練都一定識英文,而且近年多咗好多公司由台灣人,甚至香港人負責,可以講普通話或者廣東話。青之洞擁有世界唯二嘅藍色海底洞窟,極為夢幻,水底洞中有極多魚類。附近尚有一個熱門潛點「慶良間群島」,則出名有海龜前往生蛋,可以與海龜同游。價錢方面,最平課程約44,000日圓(3,100港元),3日課程,但就唔包住宿。

沖繩青之洞 藍色海底洞窟
沖繩青之洞 藍色海底洞窟
沖繩青之洞 藍色海底洞窟
沖繩青之洞 藍色海底洞窟
沖繩青之洞 藍色海底洞窟
沖繩青之洞 藍色海底洞窟

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!