疫情下無得去旅遊 一家四口一隻帆船環遊世界

·1 分鐘文章

2020年因為疫情仿似全世界停頓,頓時被禁足自己生活地方,無得外遊。不過窮則變,變則通,有人就趁去年自駕帆船一家四口出發環遊世界!

匈牙利有一家四口,於去年購入一隻帆船名為Teatime,正當全球都封城鎖國之時,悠然出海,遊遍世界。佢哋6月時於克羅地亞港口出發,向西經意大利、西班牙,再向南落葡萄牙,經一輪補給及休息後橫跨大西洋去到中美洲!目前帆船停留於聖馬丁島港口,一家人並唔急於前進,反而每到一個地方就於船上安然生活。兩公婆原來早有駕駛帆船遊歷嘅經驗,於疫情未爆發前佢哋已經有此想法,到疫症爆發之時反而造就佢哋放手一搏。有人問佢哋點解可以上岸,答案就係佢哋每到一個國家都會通知當地關口,再於岸邊自我隔離14日以上。大家係咪都好有興趣想試下呢?

匈牙利有一家四口,於去年購入一隻帆船名為Teatime。
(圖:Domonkos Bosze@Twitter)
匈牙利有一家四口,於去年購入一隻帆船名為Teatime。 (圖:Domonkos Bosze@Twitter)
6月時於克羅地亞港口出發,向西經意大利、西班牙,再向南落葡萄牙。
(圖:Domonkos Bosze@Twitter)
6月時於克羅地亞港口出發,向西經意大利、西班牙,再向南落葡萄牙。 (圖:Domonkos Bosze@Twitter)
目前帆船停留於聖馬丁島港口。
(圖:Domonkos Bosze@Twitter)
目前帆船停留於聖馬丁島港口。 (圖:Domonkos Bosze@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

行山路線-丫髻山-路線-日落-行山好去處-南生圍

土耳其小區-732-棟建築長年空置仿如鬼城

大嶼山-自駕遊-禁區紙-許可證-一日遊-梅窩-貝澳-昂平-大澳