疫情下無得去鬼屋 日本推出驚嚇棺材箱
疫情之下幾乎所有群體活動都被禁止,日本本身有唔少常設鬼屋及驚嚇活動,今次疫情令好多鬼屋工作人員都失業;而另一方面長期處於防疫嘅民眾亦感到十分大感力,同樣需要另類娛樂去減下壓,因此有鬼屋公司就發現一個「棺材驚嚇箱」,膽大嘅朋友只要瞓入去,就會有人於旁邊讀鬼故,然後仲有大量「鬼怪」於棺材箱四周圍出沒,配合鬼故劇情作出各種行為,甚至會用上假手及噴水等。
今次活動嘅創作團隊原來係早前創作「鬼屋停車場」嘅同一公司,因為疫情關係參加者可以坐住自己車進入停車場,被鬼嚇。今次呢個棺材驚嚇箱,每次只需要800日圓,非常抵玩,唔少參加者話既舒服又減壓,又可以幫到鬼屋工作人員維持生計,全新概念叫人拍案叫絕,希望日後會成為常設鬼屋之一呢。
相關文章: