疫情下結業 日本百年旅館 太宰治曾入住

Yahoo 旅遊

肺炎疫情下旅遊業大受打擊,航空、酒店業自然係重災區;喺日本就有唔少酒店都要暫停營業,而日前更有一間百年旅館要就此結業。呢間位於千葉縣船橋市嘅玉川旅館創立於大正10年(1921)年,接近百年,而最著名莫過於大文豪太宰治當年曾經投宿入住過,旅館仍保持大正年間建築風格,於2008年登錄日本有形文化財產。1935年太宰治去到船橋市居住,投宿於玉川旅館約20日,並於居住期間繼續寫作,包括經典嘅《狂言之神》、《虛構之春》、《Das Gemeine》等,而當年佢住嘅「桔梗之間」客房,更被完整保留,成為一眾旅客朝聖之地,據說當年太宰治因為太過貧困,無錢支代房費,只能以一本法文詞典及萬年筆作為旅費,可惜兩者都於1976年旅館大火中散失。今次事件更令好多人茅頭直指政府,認為如果政府如果做好防疫措施,就唔會導致疫情如此嚴重,間接令旅館結業。

千葉船橋嘅玉川旅館,有接近100年歷史。
千葉船橋嘅玉川旅館,有接近100年歷史。
因為疫情難以維生,無奈以結業收場。
因為疫情難以維生,無奈以結業收場。
當年太宰治曾經入住嘅「桔梗之間」,完整保留。
當年太宰治曾經入住嘅「桔梗之間」,完整保留。

相關文章:

信義接棒24小時書店-開幕送誠品行旅住宿

波蘭女兒國-十年來終於出現男嬰

疫情之下遊客大減-日本兔仔島挨餓要救濟

你可能還想看