疫情之下遊客大減 日本兔仔島挨餓要救濟

疫症之下全球旅遊業暫停,過往滿滿遊客嘅景點都突然變得非常冷清,除咗旅遊業界受害之外,原來有唔少動物都同樣要等人救濟。日本廣島竹原市外海,一個名為大久野島,因為島上有近千隻野生兔仔,又名「兔仔島」。過往一年吸引40萬遊客,但因疫情影響,令遊客大減,今年4月只有2千多位遊客前往,比去年同期大減8成。島上嘅兔仔一向都係靠遊客餵食,如今遊客大減,一眾兔仔就慘要挨餓。春天正正係兔仔繁殖季節,正正需要大量糧水,令人擔心兔仔營養不良。島上碼頭亦已女經免費派發兔糧,任何人都可以幫手去拎去餵兔仔。大久野島唔係唯一一個受害地點,原來奈良公園嘅鹿仔同樣因為呢個原因而要挨餓,更要聯群結隊走到奈良市區搵食呢。

竹原市外海嘅大久野島有千多隻野兔,又名兔島。
竹原市外海嘅大久野島有千多隻野兔,又名兔島。
春天為兔仔繁殖季節,最需要營養。
春天為兔仔繁殖季節,最需要營養。
當地兔仔糧已經免費派發,希望有好心人幫手。
當地兔仔糧已經免費派發,希望有好心人幫手。

相關文章:

旅行時-6-個簡單小動作-幫助減廢更環保

疫症措施永久實施台北車站禁坐大堂-引民眾不滿

歐洲最大旅行社-裁員-8-千人-面臨倒閉

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!