疫情再臨 紐約中央車站地標餐廳秒速再度關門
紐約最著名地標之一中央車站,當中幾乎跟中央車站擁有相同歷史,已經開業107年嘅生蠔餐廳Grand Central Oyster Bar,上月底重開之後,於10月12日因疫情再臨決定再次關門。
自3月開始因應政府規定,生蠔餐廳要關門不能營業,直至9月底政府放寬規定,可以容許食肆開門並最多坐25%客人。生蠔餐廳決定重新開門,並立即向25,000多位熟客送出電郵通知,結果一小時內得到90多個訂位。可惜疫情再臨,餐廳開業不足兩星期,因為太少人客而決定再次關門。
Grand Central Oyster Bar唔單止係中央車站最耐歷史嘅餐廳,亦同時係紐約市最古老餐廳之一,單單生蠔就已經有30多種選擇。今次疫情之下有唔少老字號餐廳都苦苦掙扎,包括中央公園嘅地標餐廳Central Park Loeb Boathouse都宣佈倒閉並裁走全部160多位員工,不過老闆就表示計劃明年4月重新開業,屆時希望疫情已過,大家都可以安心出街食飯啦!
相關文章: