疫情封關日本遊客被困秘魯 破例准許進入馬丘比丘

秘魯新冠疫情反覆,至今已經累計近85萬宗確診,3萬多人死亡。由於疫情嚴重仍然處於封關狀態,如果身處大城市嘅遊客尚有機會乘搭自己國家提供嘅包機返屋企,不過不幸身處鄉村小鎮嘅遊客就只能漫長咁等待。

日本一位遊客片山自從3月開始被困秘魯,原本片山係準備登上馬丘比丘,點知疫情殺到馬丘比丘即時關閉,而片山亦不幸一直住於山中嘅小村「熱水鎮」(Aguas Calientes),估唔到一住就係7個月。後來機緣巧合之下秘魯文化部長得知事件後就破例批准片山進入馬丘比丘,結果片山就成為馬丘比丘大半年來首位遊客,史上唯一只有一位遊客進入嘅馬丘比丘。片山當然享受呢個千載難逢機會,一人獨享整個天空之城,絕對係一個畢生難忘嘅體驗!

片山獲准進入馬丘比丘,苦等大半年終於成功! (圖:秘魯文化部)
片山獲准進入馬丘比丘,苦等大半年終於成功! (圖:秘魯文化部)
由當地官員陪同下一同進入,只得佢一位遊客! (圖:秘魯文化部)
由當地官員陪同下一同進入,只得佢一位遊客! (圖:秘魯文化部)
平日馬丘比丘都擠滿遊客,可以一人獨享真係畢生難忘。 (圖:Overtourism@IG)
平日馬丘比丘都擠滿遊客,可以一人獨享真係畢生難忘。 (圖:Overtourism@IG)

相關文章:

新竹新旅館-多種房型夠奇怪-冰屋地獄都有

超美陸地版藍眼淚-110米閒置鐵路變身星光大道

為期三個月跨界舞蹈活動-網上串流節目vr影像觀賞體驗