疫情放緩 全球主題樂園重新出發 新景點新園區一次過睇

疫情放緩 全球主題樂園重新出發 新景點新園區一次過睇
疫情放緩 全球主題樂園重新出發 新景點新園區一次過睇

新冠肺炎疫情之下,全球多國都有封鎖措施,其中主題樂園更幾乎全數要關閉,不過隨住疫情放緩,各地餐廳、公共場所都陸續重開,隨之而來當然係主題樂園,今日為大家講下幾大主題樂園狀況,及幾時有機會重開。

香港迪士尼重開 有限度到訪

香港迪士尼為迪士尼樂園之中,第二個重開樂園,於今個星期四18號重開,每日限制入場人數,而且為免人流太多必須預先預約,目前年票會員優先入場。樂園表示會加強園區清潔消毒,而餐廳、遊樂設施等都會實施社交距離控制,目的係減少人群密集機會。

香港迪士尼重開 有限度到訪
香港迪士尼重開 有限度到訪

《魔雪奇緣》新園區明年登場

至於新景點方面,一直重建中嘅睡公主城堡會改建成更大型嘅「奇妙夢想城堡」,工程預計今年內完成並重開。另外新園區就係大受小朋友歡迎嘅《魔雪奇緣》園區,就預計會於2021年開幕,到時會有冰雪王宮、山峰小鎮等景點,重現Elsa同Anna生活地方。

《魔雪奇緣》新園區明年登場
《魔雪奇緣》新園區明年登場

上海迪士尼重開滿月

至於全球第一間重開嘅迪士尼樂園上海迪士尼,至5月11日重開後已過一個多月,樂園一直採取嚴格防疫,限制人流、量體溫、保持社交距離等等,例如非同行人客要隔離空位坐,各工作人員扮演嘅角色人物不得與人客握手或擁抱。而6月8日連樂園附屬嘅Toy Story酒店亦於6月8日重開。

上海迪士尼重開滿月
上海迪士尼重開滿月

新園區進展良好

上海迪士尼第八大園區《優獸大都會》(Zootopia),於去年年尾動工,疫情之下雖然停工,不過據講仍會有希望於今年內登場,成為全球首個《優獸大都會》主題園區,令人相當期待!

新園區進展良好
新園區進展良好

奧蘭多迪士尼 7月重開

至於美國奧蘭多迪士尼,最新消息就係政府批准7月11日可以正式重開,首先開放係神奇王國,而明日世界、荷里活影城則會於7月15日重開。樂園會採取跟上海及香港迪士尼相同嘅防疫措施,不過就會取消所有Fast Pass及提早1小時優先入園服務,而目前亦只打算接受一早已預訂門票但因樂園關閉先入唔到園嘅人客,暫時唔會對外發售新門票。

奧蘭多迪士尼 7月重開
奧蘭多迪士尼 7月重開

兼當NBA球場

奧蘭多迪士尼剛剛就宣傳同NBA合作,會承辦今屆NBA重開後,餘下賽事都會於樂園中嘅體育館上演。22支隊伍將會參加,7月31日開始每支隊伍各打8場例行賽,然後就進入第4輪季後賽,於10月完成今屆賽事。

兼當NBA球場
兼當NBA球場

大阪環球影城重開 坐過山車勿尖叫

至於日本另一大主題樂園環球影城,已於6月8日重新開業,除咗基本防疫措施之外,更叫人客坐過山車時切勿尖叫,以防飛沫傳播。目前入場嘅只限於關西地區居民,暫不設即日門票,全部門票需要預約入場。

大阪環球影城重開 坐過山車勿尖叫
大阪環球影城重開 坐過山車勿尖叫

新園區任天堂世界 動森出動

至於環球影城新園區「任天堂世界」,由於疫情前已經進入最後建設階段,疫情影響不大,預計可以如期於夏天重開,最新圖片更透露園區紀念品店中有大量《動物森友會》精品出售呢!

新園區任天堂世界 動森出動
新園區任天堂世界 動森出動

東京迪士尼樂園開業無期

截稿為止,仍未有東京迪士尼幾時重開嘅消息,早前有網民曾經到訪過大門之外,發現異常冷清,跟平日熱鬧又歡樂嘅環境形成強烈對比,更有人改圖,話好似鬼片海報呢。

東京迪士尼樂園開業無期
東京迪士尼樂園開業無期

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!