疫情最新受害者 中環百年找換店下周四結業!網民:好可惜

找換店龍頭「百年找換店」下星期正式結業。(圖:TWtraveldaily@Twitter)
找換店龍頭「百年找換店」下星期正式結業。(圖:TWtraveldaily@Twitter)

疫情持續兩年,隨著第五波疫情殺到,晚市禁堂食等防疫措拖又再重現。疫情至今香港好多食肆、旅遊相關產業都已經支持唔到而結業,最新一個受害者就係開業多年,可以話係找換店龍頭嘅「百年找換店」。

百年位於中環,未有疫情前大家仲可以去旅行時,一講起換錢好多人都推薦去百年,全因為位置方便加上匯率較好,而且仲提供電話預約外幣服務,可以提前打電話去預留大額嘅外幣。不過隨著兩年多嘅疫情,找換店幾乎無生意,挨足兩年後百年都終於要失守,發公告指因為「受到全球疫情嚴重打擊及影響」,並宣佈於下星期四(1月12日)結束營業。

百年找換店疫情前每日大排長龍嘅畫面將成歷史,唔少網民都覺得好不捨,紛紛表示遺憾「以前去旅行嘅回憶呀」、「以後無得去唱錢lu」、「始終都捱唔到去通關」、「好可惜,匯率比其他找換店抵好多」等等,令人記起當年去換錢嘅景象,從而懷念過往可以去旅行嘅日子呢!

因為兩年多嘅疫情,終於支持唔到而倒閉。(圖:百年找換店)
因為兩年多嘅疫情,終於支持唔到而倒閉。(圖:百年找換店)
兩年多無得去旅行,找換店生意非常慘淡。(圖:JPcomeHK@Twitter)
兩年多無得去旅行,找換店生意非常慘淡。(圖:JPcomeHK@Twitter)

___________________

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

___________________

相關文章:

火車變巴士!日本四國「兩棲巴士」首度行駛

美國肯德基員工上年無請過假 年底竟獲近港幣八萬全勤獎金?

2022年世界4大重要預言!印度神童預言疫症幾時完?外星人將會出現?

世界各國千奇百趣元旦習俗!你聽過幾多?印度喊住過年 蘇格蘭人擺錢喺門口?