馬季開鑼日未受疫情影響 投注額13.76億創歷年最高

【on.cc東網專訊】馬季開鑼日開紅盤!雖然受到疫情影響,今次沙田開鑼日賽事,公眾未能入場觀戰,而會員席亦只得362人到場,但仍無損馬迷投注意欲,加上今季二重彩強勢推出,亦直接帶動投注額提高,結果是日十場賽事投注額為13.76億,較上季12.88億較上季升咗6.83%,打破2017/18年馬季開鑼日12.94億,成為最高紀錄。

馬會行政總裁應家柏其後會見傳媒,指今日一次過出現好同差的紀錄,差的紀錄是入場人數創新低,只得362人,而好的方面就係開鑼投注額創新高。

今日開鑼日全日投注額13.76億,其中本地投注額11.29億,升咗4.6%,另外匯合彩池2.47億,亦升18%,係歷來最好的開始。至於二重彩投注額為3,800萬,同時亦帶動埋單T投注額由2,300萬升至2,740萬,即係今日二重加單T合併彩池6,540萬,而同時連贏彩池不受影響,為馬會帶來新收入。

另外,應家柏提及,莫雷拉及潘頓的冠軍爭奪戰亦展開,因為今日兩位騎師王同分,預期又會係一個精彩賽季。最後開鑼日順利舉行,全賴馬會上下整個團體的努力,感謝他們在幕後默默付出。

【更多即時新聞詳情請上東網新聞