疫症蔓延時 全球野生動物樂享快樂時光?

Yahoo 旅遊


疫症蔓延時 全球野生動物樂享快樂時光?
疫症蔓延時 全球野生動物樂享快樂時光?

新冠肺炎持續肆虐全球接近半年,世界各國都可以話無一可以置身事外,當然唔少人都因為疫症損失性命,或者失業、失去朋友至親等。不過呢個全球災難之下,可以話令地球突如其來得以休養生息,因為人類活動停止,居家令嘅實施,令唔少城市都出現罕見嘅野生動物,亦有國家公園內野生動物大刺刺瞓於馬路嘅情況呢。

英國羊群入城食草

位於英國威爾斯一個沿海小鎮Llandudno,大批山羊來到小鎮大街上遊走,於商店及馬路間穿插。因為山羊闖入私人住宅花園之中食草,於是有居民報警,不過警察來到趕走山羊後,夜晚又再出沒,據知有學校話山羊已經摧毀咗新種嘅150棵樹苖,亦破壞咗唔少居民嘅花園呢。而倫敦亦有出現鹿群進入住宅區,於草坪上進食休息。

英國羊群入城食草
英國羊群入城食草
英國羊群入城食草
英國羊群入城食草
英國羊群入城食草
英國羊群入城食草

加州國家公園變天堂

位於美國嘅優美勝地國家公園(Yosemite National Park),平時一個月都會吸引30萬遊客前往,疫症之下公園暫停開門,僅餘十多位公園管理員在內,於是各種野生動物例如山獅、美洲獅、灰熊、土狼等都相繼出沒於公園大街馬路之上,管理員話好多平日都係難得一見,必定會躲藏於樹林之中,如今竟然可以日光日白見到,蔚為奇觀。

加州國家公園變天堂
加州國家公園變天堂
加州國家公園變天堂
加州國家公園變天堂

獅群橫卧南非馬路

南非為野生動物樂園,平日遊客活動之一就係坐越野車去搵野生動物,疫症下遊客全部消失,而於南非克魯格國家公園之中,有一大群獅子為數十多隻就橫卧平日越野車會經過嘅路面。獅群中有大有細,有唔少仲係幼獅,一家大細於馬路之中曬太陽,連工作多年嘅管理員都話未曾一見,獅子平日只會留於自己地盤,甚少外遊呢!

獅群橫卧南非馬路
獅群橫卧南非馬路
獅群橫卧南非馬路
獅群橫卧南非馬路

威尼斯可見魚群

意大利為歐洲最先爆發肺炎國家,非常嚴重;於嚴格管制措施之下,意大利多個城鎮都變成死城;其中唔少城鎮出現一眾野生動物出沒,例如威尼斯河水變得清澈,可以見到唔少魚群,羅馬噴泉之中亦出現鴨仔,悠閒游水;薩丁島海域亦出現失跡已久嘅海豚群;米蘭城中心亦有野豬出沒。

羅馬噴泉之中亦出現鴨仔
羅馬噴泉之中亦出現鴨仔
威尼斯可見魚群
威尼斯可見魚群
米蘭城中心亦有野豬出沒
米蘭城中心亦有野豬出沒

奈良鹿群挨餓出市區搵食

有去過日本奈良公園餵鹿嘅朋友都知,因為太多人餵,啲鹿非常難服侍,有時你畀佢都唔要。不過疫症之下外國遊客消失,過千隻鹿突然失去主要糧食來源,平日甚少走出去市區嘅奈良鹿就空群而出走上奈良街道,進食路邊雜草,甚至居民放於屋外嘅盆栽。

奈良鹿群挨餓出市區搵食
奈良鹿群挨餓出市區搵食
奈良鹿群挨餓出市區搵食
奈良鹿群挨餓出市區搵食

水族館開放企鵝外出觀光

美國芝加哥一間水族館,可謂別出心裁,平日就係遊客進入水族館觀光,今次因為疫症水族館要關閉,於是職員就於晚上開放水族館,讓當中嘅企鵝走到水族館上觀光。企鵝們於公園中一左一右咁行,非常可愛。不過可惜事後被人批評咁有機會令企鵝走失或感染病毒,於是只此一次就無下次呢。

水族館開放企鵝外出觀光
水族館開放企鵝外出觀光
水族館開放企鵝外出觀光
水族館開放企鵝外出觀光


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看