疫症行山 注意事項

Yahoo 旅遊
疫症行山 注意事項
疫症行山 注意事項

今個周末想出外走走嘛!

由於上星期各山徑有人滿之患,太多人聚集反而有傳播病菌的風險。

我有少少建議:

1. 唔好約太多人一齊行 。如果一行10個8個人,等人、搭車、食飯去廁所都會有一大班人聚集,增 加風險,而且香港的路好窄,成班人慢慢行就會做成塞車。建議3、4個人 ,有個照應就好了。


2. 可以選擇屋企附近的路線。唔好妄想揸車去行山徑入口 有位停低勒,即使俾你泊係避車處又會阻住其他人掉頭。不如近近地,行去屋企附近嘅路線啦。

疫症行山 注意事項
疫症行山 注意事項


3. 長度:選擇可以兩個小時內完成的路線啦,至少可以去少D公廁,減低風險。


3. 裝備 : 運動 褲、行山鞋、短袖衫、風褸、charge 滿 電的電話,背包,不要穿皮鞋、牛仔褲 或者皮褸。


4. 水: 每人每行1小時就預700ml 清水, 今個Weekend 熱少少,而且沿路飲水機都封哂,帶多水安全。


5. 垃圾,呢樣最緊要!請自備垃圾袋,帶走所有口罩呀、果皮呀、紙 巾呀,返屋企附近掉, 唔好掉入郊野公園的垃圾筒!點解?一來山上多人,垃圾筒滿哂; 二來,野豬野狗會翻垃圾筒,搞到一地都係。記住,一件垃圾都唔應該留係山徑上。


疫症行山 注意事項
疫症行山 注意事項


6. 口罩:我唔係專家,個人覺得戴口罩行山 好辛苦,加埋大汗就成個口罩濕哂,唔可行。如果唔戴口罩,係山上就唔會講咁多野囉,對面有人行過就讓開D。


7. 音樂 : 好多人鐘意一路行山一路播歌,無分種族年齡。但係個山上多左人,唔係個個都鐘意聽你的歌,不如暫時熄一熄部機。


8. 練山的朋友:知道知道,無野可以阻到操山訓練。不過條路多左人,咪唔好跑咁快,有人係前面咪停一停等一等。現在好多老人家細路仔都出黎行山,佢地未必及時讓到路俾你。

疫症行山 注意事項
疫症行山 注意事項


文:越野雙嬌
Annie and Bin,兩位喜歡越野山跑的女子,年紀不輕但不怕曬不怕辛苦,盡力遊走香港及各地名山,希望見多一點,學多一點。我們跑得不快,但係跑得好開心!


相關文章:

[武漢肺炎] 強身健體輕鬆行山路線

[行山路線] 6條藏於民居的行山徑

輕鬆行山增強免疫能力~ 香港行山路線推介

[康復香港] 一窩蜂行山 比疫症更可怕

你可能還想看