發現女友偷食 綠帽男反鎖狗男女 結局竟然係咁?

19+

 

捉姦在床,可能好多人都會被情緒衝昏頭腦,

怒打嗰對出軌男女,然後?然後有更多嘅問題。

 

日本有位網友寫咗喺livedoor博客出咗個post,

係關於自己發現女友在家偷食,

由於劇情好爆,有台灣網友將佢譯成中文。

 

是咁的,呢位巴打同女友A子拍拖2年,正考慮結婚,亦見晒家長。

佢地未同居,但係A子有巴打屋企鎖匙,可以隨時出入。

 

出post巴打有日身體不適提早回家,點知發現玄關有女友嘅鞋,同另一雙未見過嘅鞋。

之後又聽到浴室傳出男女嬉笑聲,屋內一地都係除低嘅衣服,包括內衣褲。

 

呢刻佢知道,頭頂多咗頂綠帽。

 

嬲到爆嘅巴打,望到屋企張梳化。

由於浴室門向外打開,而且對正狹窄嘅走廊,於是佢就用梳化頂住度浴室門,

因為驚唔夠頂,就再加多個鐵架。

入面嘅男女,竟然仲未知發生咩事。

 

搞掂之後,巴打去搵佢地部手機,居然冇上鎖。

於是,佢就用姦夫部電話,聯絡到姦夫嘅女友B子,仲叫埋佢一齊捉姦。

 

唔止咁,巴打仲分別打晒電話俾A子嘅父母、A子嘅朋友……

冇耐,B子到達,原來佢係姦夫嘅未婚妻,準備3個月後結婚。

 

去返事發現場,A子同姦夫知道被鎖,梗係大吵大鬧。

姦夫冇諗到,未婚妻B子會喺門外對佢大喝一句︰偷食男!

本來睇落好穩重嘅B子,居然決定打電話俾姦夫同自己嘅父母,call佢地到場!

 

好快,A子、姦夫同B子嘅父母,都去到巴打屋企,打開浴室大門……

 

等呢對姦夫淫婦著好衫,各自嘅家長即場教仔教女。

姦夫老豆好兇狠,一嘢打低個仔!

之後姦夫同A子各自交代關係,互相指係對方勾引。

A子喊住要求巴打唔好分手,巴打當然拒絕,仲話要搬出呢間屋,

希望A子同姦夫屋企人負責搬屋洗費。

談判暫告一段落,本來病緊嘅巴打,一放鬆就成個人暈咗,仲入埋醫院。

 

事後巴打得知,A子嘅朋友將件事傳出去,A子只好辭職,

仲發現有咗BB。

而姦夫同樣因為呢件事,被公司「燉」去鄉下地方,加上屋企人已經同佢斷絕來往

要自己俾埋婚禮取消嘅支出。

 

睇到呢度,你地大概都估到個更爆嘅結局︰

係嘞,巴打同B子有聯絡,B子屋企人對佢印象亦唔錯,

冇耐就同B子結婚,仲做埋老豆添。

原post傳送門

你可能還想看