白色強人2|首播祝文君演出好催淚 李佳芯被out 網民:還我Ali

白色強人2|首播祝文君演出好催淚 李佳芯被out網民齊叫還我Ali
白色強人2|首播祝文君演出好催淚 李佳芯被out網民齊叫還我Ali

TVB醫療劇《白色強人》2019年播出時贏盡口啤,其後TVB食住個勢開拍續集,不過李佳芯(Ali)、馮盈盈及何廣沛就被踢走,反而加入陳豪和胡定欣視帝視后人馬。而續集《白色強人II》劇集講述明成北醫院再次成為權力鬥爭之地,郭晉安和馬國明為開放藥物名冊意見分歧,胡定欣就戀上馬國明,與唐詩詠上演一場三角關係。《白色強人II》噚晚(25日)終於喺翡翠台首播,而家就同大家睇下網民嘅反應啦!

演員卡士華麗
《白色強人II》除咗有原班人馬郭晉安、馬國明及唐詩詠之外,仲搵嚟陳豪和胡定欣加入,呢個五大視帝及視后陣容真係無得輸呀!新加入嘅陳豪喺劇中飾演李文信醫生,係張曦雯飾演嘅呂靄寧醫生嘅前度男友,將會介入佢同郭晉安飾演嘅楊逸滔院長嘅感情。而胡定欣喺劇中飾演腫瘤科主管醫生葉晴,佢一出場就反對開放藥物名冊,嚟緊佢仲會介入唐明(馬國明飾)及蘇怡(唐詩詠飾)嘅戀情。咁多好戲之人喺劇中大鬥演技,唔少網民都表示期待,留言「又有唐明睇了」、「期待胡定欣飾演的葉晴」、「陳豪正經做戲真係好型」、「「陳豪好適合演啲半唐番又粗豪角色 雖然年紀大咗但真心型」」、「陳豪型到」、「好彩仲有唐詩詠,不過冇左Ali」、「唐詩詠演得非常好,很多幕都演得很感人」及「果然人強馬狀(壯),更精彩迷人。」等等。

馬國明、郭晉安、陳豪、唐詩詠、張曦雯 & 胡定欣
馬國明、郭晉安、陳豪、唐詩詠、張曦雯 & 胡定欣

祝文君演出好催淚
除咗六大主角已經亮相之外,噚晚亦有其他搶鏡角色登場,當中包括由祝文君飾演患有結節性硬化症嘅病人趙宛蘭,佢喺立法會聲淚俱下講述自己嘅病情,期間仲疑因腦出血暈倒,並送往明成北醫院醫院,由楊逸滔、唐明及葉晴醫生為佢做手術,氣氛非常緊張。唔少網民睇完祝文君演出後,紛紛留言話會好戲及好催淚,例如「睇到祝文君個樣,真係好似帶住病來演,真係用生命拍到最後,真心Rip」、「因為真係病,所以真係好真,真係經催淚」、「喊咗 祝文君好戲」、「祝文君 講真嘅冇咗Kennis一啲都唔好睇看到你演出,懷念你」、「祝文君演繹得好好,完全感受一個病人幾冇助,連醫生都幫吾到佢!」、「現在回看知道祝文君是用生命在演繹,當時她已經肺癌病得好重,真的好感人。」及「節奏唔錯,祝文君好戲!」等等。

《白色強人II》截圖
《白色強人II》截圖

還我李佳芯
雖然《白色強人II》搵嚟陳豪和胡定欣加入,不過就冇咗李佳芯(Ali)演出,只得錄音播出街,唔少網民都大感失望,紛紛留言話「没有程洛雯醫生 有何意思」、「無Ali真係唔使睇 個角色咁有個性 話無就無」、「冇ali唔想睇」、「還我ali」、「無咗ali真係無晒睇頭」、「冇咗Ali真係爭好遠」、「還我Ali 程洛雯醫生」、「講真嘅冇咗Kennis一啲都唔好睇」及「套套續集都飛走Ali,罷睇!」等等。

《白色強人》劇照
《白色強人》劇照
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖
《白色強人II》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能