百萬搞食肆撞正第5波 周家蔚艱苦經營 堅持派飯

周家蔚在疫境下搞食肆,真係心口掛個「勇」字!
周家蔚在疫境下搞食肆,真係心口掛個「勇」字!

藝人周家蔚於疫情下「勇」字當頭,投資過百萬搞兩間食肆,雖然剛起步,但她都不忘回饋社會,每星期都堅持派飯給長者,行善最樂!

周家蔚與家人去年底在大埔投資7位數,頂手經營兩間食肆,雖然經營不久就遇上第5波疫情,生意大受影響,但仍堅持每星期派一百個飯盒回饋社會。日前她到食肆與員工一起準備派飯盒,過百長者數小時前已排隊輪候,她說:「你見到啲公公婆婆早2、3個鐘嚟排隊,你就知道停唔到落嚟,一個飯盒同埋少少物資,對佢哋嚟講好緊要,就算生意唔好都會照派落去。」

吳卓羲嚟幫襯

疫情下家蔚與家人加入飲食行業,全因一家人相當為食,她說:「屋企人都好鍾意食嘢,對食要求好高,自己經常嚟幫口試菜同埋執頭執尾,做過食肆先知道唔容易,又水吧、又燒味、又廚房,洗碗阿姐先難求,試過冇人,我嬸嬸都要自己去洗碗,我都OK㗎,如果冇人起上嚟都要做。」

講到可有預算回本期,她則說:「唔敢諗,希望會愈嚟愈好,啲街坊覺得好味已經好開心,生意就見步行步啦。」她又透露店舖原來有星級顧客吳卓羲不時來幫襯,認真捧場!

周家蔚親自派飯盒,向長者送上溫暖。
周家蔚親自派飯盒,向長者送上溫暖。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能