皇上變奴才! 張敬軒愛的呼喚 「主人」愈叫愈走

·2 分鐘文章
張敬軒於廣告中騷琴技。
張敬軒於廣告中騷琴技。

張敬軒在樂壇一直有「皇上」之稱,出席活動前呼後擁,不過「擺駕回宮」就形勢逆轉!日前他於社交網上載新片,見他用溫柔聲音呼喚愛貓「叻Li」,雖然聲音何其動聽,但愛貓愈叫愈走,令他無癮收聲,不得不在網上發洩情緒!他說:「介紹番,我個主人,我嘅招魂式呼喚抵唔上『遮遮』拎住兜唔關佢事嘅嘢食行過,睬你都有味。」不少「貓奴」網民表示感同身受,留言安慰:「縱使你在外有萬人追捧,但屋企嘅貓狗都唔理你」、「你主人唔理你呢個鏟屎官」、「皇上你退下吧!」

分享護眼心得

軒仔被家中的「皇上皇」愛貓打擊到懷疑人生,不過返回職場又重拾自信!日前他拍廣告,除了展示迷人電眼外,還彈奏玻璃三角鋼琴,粉絲留言:「個琴好靚,彈琴嘅張敬軒仲靚」、「係鋼琴王子呀」、「電暈咗!」

他自言為凸顯眼神精靈,事前做足準備:「嗰日特登叫『遮遮』烘熱啲包,然後我『哄』對眼喺啲包前面,等啲蒸氣蒸一蒸對眼,蒸對『麵包眼』出嚟,咁就好bling bling啦。」又分享護眼心得:「第一招就係盡量唔睇污糟嘢,譬如盡量唔睇自己嘅自拍;其次係盡量少捽眼,因為有鼻敏感嘅人都鍾意捽眼,我會提醒自己唔好捽;最後要滴眼藥水,睇嘢清楚啲,睇人都清楚啲。」

「叻Li」懶理主人呼喚,入房話之你!
「叻Li」懶理主人呼喚,入房話之你!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能