盈盈「狂Un」遊戲意淫 波波震撼坐波：下面好似爆炸

新一代無綫咪神、36E黃婧靈（波波）落力演出全新節目，來回奔走玩「坐爆波」遊戲時，即使隔着螢光幕，效果仍然相當震撼，引起網民熱話，她亦笑言拍攝時感覺恍如「下面爆炸」﹗

無綫推出綜藝節目《The Show Must Go On》前晚首播，一眾藝人包括錢嘉樂、馮盈盈、波波、陸浩明（6號）、林盛斌（Bob）等參與，場面熱鬧，而當中多個遊戲大玩意淫，更引起網民熱議。其中盈盈示範「坐爆波」時，出名豪邁的她張開腿跳上另一女藝員身上，不斷「狂Un」圖坐爆對方腿上的氣球，畫面引人遐想！

尾聲反高潮 Bob送暖

遊戲期間，波波先後跳上拍檔杜穎珊及黃紫恩（JoJo）身上，「big波蕩漾」效果震撼，事後她回應表示：「其實由細到大我都好驚爆波，今次坐上去覺得滑潺潺同郁嚟郁去，下面好似爆炸呀！」而身高1米85的藝員徐文浩如蠻牛般撞向拍檔鄭衍峰及孔德賢身上，令二人面容扭曲，緊接Bob以「健碩身形」成功坐爆多個氣球，但完事後氣喘如牛。其實事前他已被其他主持取笑曾接受心臟手術，故要「小心啲」，Bob亦笑謂已「分身家」，由兒子繼承。

節目尾聲，播出Bob帶領一眾藝人落區派飯的片段，藝員林秀怡回憶起當時情況不禁眼濕濕，Bob則於社交網留言：「我好大膽作出小小嘅建議，除咗可以帶娛樂同歡樂畀大家外，仲可以運用我哋少少嘅影響力，做啲對個社會更加好嘅嘢……如果你覺得呢part同成個節目格格不入，影響到你諗住就咁開心笑到尾嘅心情，我同大家講聲唔好意思……其實社會上有好多人需要我哋幫助嘅，如果大家一齊做多少少，世界就有機會變得更美好。」

此外，無綫昨日公布最新一周收視成績，《飛虎3壯志英雄》結局篇收21點，而首播的《The》高收18.8點，比上星期的《聲夢JUNIOR》高4點收視。