盧海鵬跟周潤發慢跑養生

東方日報
·1 分鐘文章

影帝周潤發熱愛跑山,最近帶領較年長的盧海鵬及劉江等慢跑養生。將近80歲的鵬哥3年前進行「通波仔」手術後開始注重健康,日前清晨時分獲周潤發揸車到其寓所接載,之後出發去大美督會合黃日華及苗僑偉夫婦跑步。休息期間,周潤發更化身醫師,為鵬哥進行小腿推拿及腳底按摩,其他跑友亦排隊「輪症」。

鵬哥昨日受訪時透露數月前開始跟隨對方跑步,養成早睡早起的習慣。問到能否堅持到底?他笑說:「幾個月都冇缺席過,初頭連行都未得,依家可以慢跑5公里,身體好咗!唔係佢捉我去跑,我邊會做運動啫?(佢按摩手勢好唔好?)非常好!好舒服,佢唔只幫我,個個都有幫㗎!」