盧覓雪入稟控告李力持誹謗獲勝訴 :終於告一段落⋯⋯
今年3月,導演李力持於個人社交網站上載盧覓雪嘅相片,並聲稱佢同外籍男子嘅性愛片段流出,但其實條片係5前年嘅舊聞,而盧覓雪當年亦已經否認係片中人。之後,盧覓雪入稟區域法院控告李力持誹謗及惡意虛構言論,要求李力持作出賠償及法庭頒下禁制令。喺今日,案件終於有新進展啦!
今早「喱騷」就喺社交網站出PO,指法庭判咗原告人盧覓雪勝訴,而被告人李力持就要向原告人付予賠償及支付訟費!其後,盧覓雪轉載呢個PO,並留言話:「終於告一段落⋯⋯」唔少網民亦有留言支持佢,留言話:「終於還雪雪一個公道」、「開心到呢.....都唔知講乜嘢好 ! 惡人有惡報, 係真架 !」、「正義必勝呀!支持雪雪」、「恭喜雪雪打贏官司,今晚要食餐好囉」、「公道自在人心,撐你呀!」、「支持妳!」及「翠蓮,你為公義戰勝了一仗」等等。