直播被網民留言攻擊 梁芷珮發千字文回應

·2 分鐘文章
梁芷珮
梁芷珮

近年憑住自家製旅遊節目《潮什麼》系列而大受歡迎嘅梁芷珮(Christy),形象親民又貼地,因此獲得唔少廣告機會。日前佢應廣告商邀請進行直播,點知惹來唔少「反TVB」嘅網民留言攻擊,未正式開始直播時已經有大量留言反對廣告商用TVB藝人做宣傳,對住洗版式留言攻擊嘅Christy保持笑容完成產品介紹。

其後,Christy喺IG發千字文,希望網民高抬貴手。文中佢先感激一班支持佢嘅粉絲,之後表示自己同老公經歷過好多,佢哋住過劏房,打過好多份工,直到幫TVB拍攝旅遊節目而多人認識, 亦多咗工作機會。而家咁努力工作都係為咗養活三個小朋友,比到更穩定嘅生活佢哋。Christy希望大家唔好因為佢來自TVB而受到針對,如果大家唔鍾意佢真係可以唔睇或者直接block咗佢,然後follow返自己喜歡嘅嘢,佢只係想有嘢就做,有工就開,大家開心,簡簡單單。

唔少網民紛紛流言支持佢,例如「我唔鐘意睇你間公司,但我欣賞你為家庭努力工作嘅一面,重點係你正能量滿滿」、「鍾意你咁正能量,你地一家人都好close, 小朋友有你呢個媽媽係佢地福氣,加油」、「好鍾意睇你嘅旅遊節目,又鍾意睇你教做運動,加油呀fit媽」、「支持你,加油努力」及「支持你一家 加油努力」等等。

梁芷珮
梁芷珮
梁芷珮
梁芷珮
梁芷珮
梁芷珮
梁芷珮
梁芷珮

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載