直認雙喜臨門 郭富城：阿媽希望睇到抱孫

【星島日報報道】剛榮升人夫的郭富城婚後首度公開亮相品牌活動，盛傳城城已是準爸爸，他風騷跳著舞到場，手上雖然沒戴婚戒，但公開大讚老婆100分。大家最關心城城是否雙喜臨門？他妙答：「梗係，囍字是兩個喜合成。」記者追問是否太太已懷孕？他繼續避答說會努力，有好消息就同大家講。追問是否未夠3個月？他即冧笑說：「是個好問題，畀啲時間我，適當時候會同大家講。人生大事，希望阿媽看到我結婚，婚宴見到阿媽好開心感動，我就更感動，下一步希望大家祝福，希望上天畀到呢份禮物我，阿媽話有生之年希望睇到抱孫，作為一個仔，咁多年在適當時候做適當事，現在成家成室下一步就開枝散葉。」至於生幾多個？是否愈多愈好？城城表示不知，一步步來，更指奶粉錢不貴，工作努力些應該應付到。他希望補償太太的蜜月，但忙開拍兩部戲，中間會請3、4日假。傳聞城媽叫他獎勵百萬給懷孕老婆？城城否認：「全是虛構傳聞，平時都不解釋，太多不真實虛構傳聞，一笑置之。」對於邱瓈寬因不獲邀出席婚宴感生氣，城城撐對方一向愛開玩笑，認識對方為人講到盡不會收，叫大家不需認真；他說寬姐有致電小美傳達祝福，朋友會明白他想低調，並謂寬姐是他敬重的人，對方會明白，婚禮認真而隆重但不鋪張，若要補請朋友食飯就有排請，不會得罪朋友。他對網民批評禮服老套絕不介意，只要自己開心，外界怎看都接受，覺得是人生的學習。問到是否要學做爸爸？他即說：「希望承你貴言。」（攝影：鄧國良）

睇更多