真人版《我的超豪男友》 美人魚主題婚禮 使費夠買層樓!

19+

 

上年嘅《我的超豪男友》 ,全球收得,

唔多唔少打中全世界人想八卦亞洲新銳富豪嘅浮誇生活。

 

如果個故事取材於內地,應該會更加juicy更加誇。

不過喺新加坡拍又唔代表流於吹水嘅,因為當地最近真係有場世紀婚禮。

星洲富家女Rachel Wee同男友Ken拉埋天窗,

搞咗個分3部分、招待600人嘅婚禮。

諗落有d似《我》入面嘅party場面。

先嚟個前菜,婚紗相,可以點豪?

因為佢地想以「小魚仙」做主題,於是就喺水底影咗輯相。

婚戒呢?專程飛去倫敦買。

 

婚前嘅party要配合返主題,於是成班姊妹團都係扮成美人魚咁,

趴晒喺個大宅嘅池邊。

婚禮當日,上晝接新娘,成班兄弟姊妹團著晒古裝恭賀一對新人;

夜晚擺酒,舞台佈置到海洋世界咁,「小魚仙」呀嘛,

Rachel就喺台上一個大貝殼度出場。

就連新外父都扮成海神咁現身。

同每對新人一樣,「長老」都係點會冇say?

Rachel媽咪就係令呢場婚禮要咁豪得咁豪嘅推手,

新娘想個結婚蛋糕有4層,媽咪就要勁啲,至少5層;

本來揀咗條鑲咗6000粒水晶嘅裙,但係媽咪覺得未夠,想加碼再閃啲!

呢個時候就梗係有一個半個auntie解畫︰

婚禮唔止係為一對新人,而係為成個家族架!阿媽梗係要俾意見啦~~明晒!

 

搞咁多嘢,埋單幾錢?

大約港幣800萬啦。

不過有婚禮專家就話,試過有婚禮用成2千幾萬,招待咗1300人。

真係高處未算高!

原文傳送門

你可能還想看