真實版貓之報恩！大阪鐵路模型餐廳起死回生 全靠貓咪？

唔少人都睇過吉卜力動畫電影《貓之報恩》，但估唔到現實生活中，真係有類似故事發生。講緊係位於日本大阪市嘅鐵路模型餐廳「ジオラマ食堂」，餐廳早前受到疫情影響，生意一落千丈，差點面臨倒閉嘅局面。正當老闆寺岡直樹搲爆頭之際，於去年年中發現一隻正在淋雨、瀕死狀態嘅小貓，於是店長決定幫小貓醫病，而呢隻貓仔嘅貓媽媽便經常跑到店裡，加上店長後期又再執多三隻，結果舖內就突然多咗5隻貓。

後來，店長不時於網上分享貓咪們生活點滴，而巨貓與鐵道模型嘅照片，更引起網友熱烈回響，一個二個都想親睹其風采，結果令店子起死回生，解除了倒閉嘅危機，後來更與其他公司合作，推出了相關周邊商品。眼見貓貓如此報恩，有心有好報嘅寺岡表示: 「本來諗住幫助牠們，結果反過來被幫助。」港人們暫時無法親睹呢個真實版《貓之報恩》，睇住相Sweet下先啦。

—
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
—

更多相關文章

打機有助宣傳旅遊？日本對馬市封遊戲製作人為旅遊大使
日本漁民手機跌海底 貼定位圖呼籲「執到記得通知我」
日本聲優加持！京都念慈菴蜜被炒貴6倍 網民：香港定台灣品牌？