眼利網民發現 MIRROR成員Anson Lo Anson Kong 3年前為陳慧琳MV伴舞

唔少人都對明星未紅前嘅樣子好有興趣，而家MIRROR大熱，fans當然想睇返偶像以前嘅演出。繼讀書年代嘅姜濤所拍嘅微電影被網民出土之後，呢期又有人搵到「鏡仔」舊片！有眼利網民發現陳慧琳3年前推出嘅國語歌曲《打字機》，原來MIRROR兩位曾經做過舞蹈員嘅Anson 盧瀚霆（Anson Lo）同江㷸生（Anson Kong)都有份演出！

《打字機》歌詞係講打工一族放工後要盡情玩樂，於是MV好多畫面都係一班dancer打扮成西裝友喺office「扮工」同跳舞，2位Anson就係其中一份子。MV開頭就見到AK戴住帽出場，後來一幕同場搭lift，Anson Lo同 Anson Kong仲同場演出，唔知佢地當時係咪已經認識？

當年Anson Lo嘅All Back髮型，而家已經好少見到！

唔少MIRROR fans都因為咁而睇返呢個MV，而家個MV已經有過百萬次點播，有人留言話「為睇AK/AL入嚟 Kelly係兒時偶像」。一個MV接通2個年代嘅偶像，我諗連Kelly都估唔到！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！