眼紅謝嘉怡拍劇 誓做「范冰冰2.0」 陳楨怡送禮冧高層 周子揚埋單

·2 分鐘文章
周子揚心痛陳楨怡入行後,變了另一個人。
周子揚心痛陳楨怡入行後,變了另一個人。

前港姐亞軍陳楨怡(Celina)自被爆出「1拖2」明戀圈外男友Andy又暗撻周子揚後,事件繼續發酵,有傳她曾眼紅同屆港姐,力爭上位做「范冰冰2.0」,送禮又寫心意卡冧高層,但全由「正印男友」周子揚代勞!

陳楨怡(Celina)當選港姐後在無綫機會不絕,逢大騷及綜藝節目均有份參與,不過昨日有爆料者指與她同屆的港姐冠軍謝嘉怡、季軍郭柏妍入組拍劇,傳Celina「眼紅」埋怨自己只擔任兒童節目主持:「佢覺得被無綫欺負,點解唔似其他港姐咁有劇拍,成日問喺娛圈撈咗10年嘅男友周子揚有乜方法可以博上位,周子揚就教佢討好高層送有『誠意』嘅禮物,仲要寫埋心意卡,但出錢、做跑腿、寫卡嗰啲都由周子揚包辦,結果佢真係可以返內地拍劇,坐享其成。」

嫌鑽石細粒

爆料者續指Celina除要在無綫發圍外,曾要求身為科技短視頻平台老闆的周子揚安排廣告拍攝爭取曝光:「周子揚有好多廣告客戶,佢就要男友彈啲Job畀佢,傾好晒啲廣告先同無綫講。」此外,她經常掛在口邊的人生終極目標就是做「范冰冰第二」,故不停要周子揚介紹內地導演和監製給她認識。而前日曝光的情人節蜜照中,周子揚送上約10萬元的鑽飾禮物,相當大手筆,不過爆料者指:「可惜Celina嫌粒石細,要男友第二日再買粒大嘢。」

昨日周子揚受訪,對於上述傳聞表示:「我一直瞓身支持女友嘅事業發展。」問到若Celina公開其男友身份,可會和好如初?他說:「如果Celina變番入行前嘅佢,我會一直愛佢。」又覺得女友入行後變成另一個人,拍拖話題總離不開「上位」秘訣,除令他心痛外,相信陳母亦傷心女兒變質。而Celina至截稿前未有回覆。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能