着厭婚紗零憧憬 唐詩詠被點「笑穴」 想嫁馬德鐘2.0

·1 分鐘文章
唐詩詠着過N次婚紗工作,將來出閣不介意穿便服。
唐詩詠着過N次婚紗工作,將來出閣不介意穿便服。

唐詩詠昨日穿婚紗為新劇宣傳,自言對披嫁衣已沒有憧憬,若遇到真命天子,甚至不介意穿便服簽字。至於馬德鐘角色佻脫,連向來不會笑場的鮑起靜,也被他搞到破戒!

唐詩詠與馬德鐘等昨日宣傳無綫新劇《我家無難事》,演員之一的楊明未有現身,期間唐詩詠、王君馨、簡淑兒及古佩玲換上婚紗,當中以低V簡淑兒最性感。

唐詩詠表示以前做模特兒時經常穿婚紗,現已麻木:「細個對婚紗同婚禮好多幻想,依家覺得遇到啱嘅人,唔需要婚紗都可以,啱就着住便服簽字,咩地方都冇所謂。」

角色瘋狂放笑彈

馬德鐘的角色非常佻脫及瘋狂,唐詩詠讚他演得自然,懷疑他私下跟角色十分相似,馬德鐘笑說:「所以我平時演紀律部隊係好辛苦!」唐詩詠希望將來的對象,亦像馬德鐘的角色般氹她開心:「因為我太靜,如果隔籬嗰個開心啲會好啲,我個人笑點好低,不過全劇笑點最低係鮑姐(鮑起靜),馬德鐘郁一下佢都會笑。」

鮑起靜自言平時拍戲認真,不會笑場,但今次對住馬德鐘經常忍不住笑。她又透露早前到內地拍劇,最放心不下老公:「佢一個人喺香港,工人姐姐又返咗菲律賓,但返嚟發現佢獨立咗,識洗衫、掃地、煮麵同淥菜。」

馬德鐘對住鏡頭即「上身」,浮誇到咁真係好少見!
馬德鐘對住鏡頭即「上身」,浮誇到咁真係好少見!
蜜運中的簡淑兒,有否觸動一顆恨嫁的心?
蜜運中的簡淑兒,有否觸動一顆恨嫁的心?



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能