睇片|港產蘿蔔糕育成記 鮮摘本地蘿蔔配「港豬」臘味:香港都有好嘢|Yahoo
【Yahoo 新聞報道】「如果香港人都唔用香港嘅農作物,咁邊個用呢?」三點水料理的Nicola與拍檔已是第四年使用香港蘿蔔製作蘿蔔糕,堅持在賀年糕點還原港產蘿蔔的清甜與新鮮。年復年,一籃又一籃的蘿蔔由粉嶺送到觀塘,運送的不單只是農作物,還有對本地農夫復興本土農業的盼望。今年三點水出品的蘿蔔糕更加入「香港家豬」的臘味,再添一層「港味」。
《Yahoo新聞》記者拍攝當天,距離年初一不足兩周,正當市面上酒家大多開始讓顧客憑糕券取糕,三點水的創辦人Nicola和Ben才驅車到粉嶺「老農田」(O-Farm)拔蘿蔔及收蘿蔔,準備製作蘿蔔糕。為何整糕也要做「deadline fighter」?Nicola解釋,三點水的蘿蔔糕蘿蔔比例相當高,每一斤糕已用掉約一斤蘿蔔,「一定要推遲到最忟、最近新年嘅時候先做,真係要新鮮啲好」。
整糕deadline fighter:好無經濟效益
由拔蘿蔔到蘿蔔糕出貨僅短短三日,Ben笑言:「我哋傻㗎其實!呢啲(安排)好無經濟效益,同埋唔係一個商業運作」。若果延長出貨期,就可以賺多點,但為了讓食客品嚐到最新鮮的香港蘿蔔糕,兩人每年在三天內「chur到盡」。Ben解釋:「我哋唔係賣食物,我哋係賣emotion(情感)、我哋係賣回憶,因為回憶可以令你嘅食物打動到人心」。Nicola補充,「佢哋記得嗰個味道,年年嗰個時間就會返嚟搵個味道」。
出品要求高 不只sell本土
「老農田」負責人子盛和Shirley,數年前創立「復耕者聯盟」,讓有志投身農業的年輕人成為「復耕者」,保護香港本地農業。兩人四年多前認識Nicola和Ben後一拍即合,開展「香港蘿蔔」計劃,Ben嘆謂:「我哋都好欣賞佢,絕對欣賞!(務農)真係辛苦㗎,唔係簡單㗎!」 每年農曆新年前有大量蘿蔔收成,供予餐廳、酒店、加工商製作蘿蔔糕,亦會送往本地農產品店讓港人選購。子盛指香港種植的蘿蔔傾向多汁水,「溫度同甜度掛勾好明顯 ,(天氣)一凍就會好甜」。他對農作物的要求甚高,「要有質素去支持,唔可以淨係賣本土兩個字」。子盛多次提及很愛耕作,「我仲有火㗎!我仲諗緊新嘅種法、新嘅技術,呢件事係我生活嘅一部份,而且樂在其中」。
本地農夫:好大保障
第四年與老農田合作,今年三點水取貨數千斤,拍攝當日就有約600斤蘿蔔出貨。Shirley說:「預早九月同我哋講定成個計劃,今年要幾多千(斤),跟住我哋做生產、年尾一log過交畀加工者,對於我哋農夫嚟講係一個好大嘅保障」。更可相對拉長貨期,更易作推廣,「一齊一條線咁去做,聲勢會更加浩大」。
子盛笑言,第一年餐廳或加工商購入香港蘿蔔,「係純粹想食本土呢兩個字」,「但第一年過咗之後,啲客話真係好食啲」。相比種植其他蔬菜,蘿蔔的利潤不高,全靠下游加工商發揚這類本地農作物,突顯與其他地區出品的分別,「咁我覺得成個本土農業嘅復興呢,就會有著腳點」。有加工商反映市場反應,農夫才了解到「原來呢啲係有得做」。Shirley亦補充:「有埋加工者個力量去推,試過用本地食材去做蘿蔔糕係咁好味,啲人可能會倒返轉頭搵返(農產品)源頭」。
將製作時間壓縮、農曆新年前勞碌奔波,Nicola和Ben覺得值得。吸取四年經驗,利用香港本土農產品製作食品的意志更堅定,出品更新鮮,農夫收入更穩定,「其實係大家都贏」。雖然每年均有稍稍增加產量,但Ben坦言三點水規模不大,無法生產大批食品,「希望有緣嘅可以接觸到……但開心嘅就係啲人知到咗咩係本土製造嘅product」。Nicola希望更多顧客可嘗到香港蘿蔔的味道,亦有安排部份蘿蔔糕在新年後製作,「拉長試到農作物嘅時間」。
本地辣薑失收 年糕辣味較弱
今年三點水的蘿蔔糕更加入「香港家豬」的臘味,帶豬肉的鮮味,為蘿蔔糕加添一層「港味」;三點水的年糕亦是用本地薑所製作,「薑汁年糕每年嘅風味都唔同,要睇吓嗰年嘅薑係點」,今年其中一款「辣味擔當」的本地薑失收,導致年糕的辣味較去年弱,「但我哋就係想呈現今年嘅味道……感受到嗰一年嘅天氣」。
籲支持本地各種農產品 「唔一定要買三點水」
近年不少食物製造商增加使用香港製造食材,「啲人係食得出邊啲係有心種出嚟」。Nicola曾想過:「如果日後人人都話用本地蘿蔔做蘿蔔糕,咁會點呢?」她強調市民「唔一定要買三點水」,「但係佢at least搵返啲用本地蘿蔔做嘅蘿蔔糕,就已經覺得我哋好似move(推進)到一啲嘢」。Ben就寄語港人:「畀個機會香港農產品接觸香港人,原來香港都有咁多好嘢」。談到未來,Nicola和Ben就希望三點水出品的「煙燻太爺雞」亦可使用香港飼養雞隻烹調,亦會與農夫進一步研究利用時令農作物入饌,「好似每年11月都好多洛神花,我哋就去諗點樣去做蜜餞、漬咗佢」。
「復耕者聯盟」二月亦將會舉辦第三屆農藝祭,於粉嶺丹竹坑以社區農業、食農教育、生態藝術組成農創社區;屆時農藝祭將有「綠遊丹山生態行」、丹山農墟、攤位遊戲、各式食農及農創工作坊,希望繼續深化本地農業與環境保育。
冬日農藝祭@丹山
2025年2月15日,12:30 - 5:00
2025年2月16日,10:00 - 5:30
地點:粉嶺丹竹坑一帶
詳情請見「復耕者聯盟」facebook專頁:
https://www.facebook.com/Agrivengers
三點水蘿蔔糕銷售點(售糕點、琥珀合桃、餸包)
網站:https://www.facebook.com/bluedrops.hk
港島區
city’super (銅鑼灣店)
地址:銅鑼灣時代廣場B1地庫九龍區
city’super (尖沙咀店)
地址:尖沙咀海港城港威商場三階3001號舖
city’super neighbourhood (AIRSIDE店)
地址:啟德AIRSIDE B1地庫B101,B101A,B102-B110號鋪新界區
c!ty’super (沙田店)
地址﹕沙田新城巿廣場一期二樓204-214號舖