短髮唔係人人都carry到!邊位女藝人短髮造型出事?

·2 分鐘文章

一個啱自己嘅髪型除咗顯瘦及減齡之外,仲可以令人充滿自信,相反嘅話會令顏值大減。為咗帶畀觀眾新鮮感或工作需要,藝人經常轉換髮型是常識吧,不過清爽短髮真係唔係人人都carry到,而家就同大家睇下邊位女藝人因短髮造型而出事啦!

陳法拉
陳法拉憑Marvel電影《尚氣與十環幫傳奇》成功打入荷里活市場,被網民大讚古代長髮造型充滿仙氣。一向留長髮嘅佢要去法國拍攝一套美劇,而劇中角色係需要剪走長髮,佢近日就喺社交網站上載及肩短髮近照,不過網民就唔多buy,話佢將髮型剪到一忽忽,都係長頭髮比較啱佢。

陳法拉
陳法拉

江嘉敏
「宅男女神」江嘉敏(Kaman)日前為新劇《四十二章經》犧牲長髮,配合造型去剪咗一個男仔頭短髮,麻甩味甚濃。雖然Kaman全新短髮造型好有新鮮感,不過就嚇親唔少網民,仲話佢已經崩壞。

江嘉敏
江嘉敏

高海寧
近年高海寧(高Ling)都以及肩短髮示人,上年佢收起性感女神形象,為劇集《七公主》角色顧青桐剪短頭髮及紮胸上陣,女人味盡失。

高海寧
高海寧

鍾嘉欣
鍾嘉欣喺劇集《老友狗狗》戴上黑色眼鏡,及以短髮形象示人,點知就被網民指佢同吳尊好似樣,仲令佢獲得「女版吳尊」呢個稱號,不過呢個髮型就令佢仙氣大減。

鍾嘉欣
鍾嘉欣

鍾欣潼(阿嬌)
鍾欣潼(阿嬌)上年喺小紅書拍片分享愛用物,期間以一頭清爽短髮亮相,不過網民就似乎唔太鍾意呢個髮型,指佢星味盡失及似「居家大媽」。

鍾欣潼(阿嬌)
鍾欣潼(阿嬌)

鄧佩儀
鄧佩儀(Gloria)曾為劇集《幕後玩家》 及《再創世紀》等剪超短髮型,雖然睇落係好清爽,不過就冇晒仙氣。

鄧佩儀
鄧佩儀

薛凱琪
薛凱琪(Fiona)喺出道初期為劇集《學警雄心》剪短頭髮,不過就被網民話佢條頸好長,好似「長頸鹿」。

薛凱琪
薛凱琪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能