石棺案首被告稱按次被告指示 替死者打酒精針

on.cc 東網

【on.cc東網專訊】高院續審石棺藏屍案,首被告曾祥欣供稱案發前一晚,他們3名被告到觀塘海濱視察環境,發現該處太多閉路電視鏡頭不宜行劫,他及第三被告張善恒向次被告劉錫豪說「算啦,唔好搞咁多嘢」,但劉說「點都要笠佢(死者張萬里)一次,我要畀錢同大佬交代」。他們返回單位後,劉叫他及張善恒找地點打劫,他們「求其搵google search」。


曾稱他打消觀塘海濱打劫的念頭後,再沒想過要打劫死者,他及張找不到打劫地點,劉叫他們買物資準備行劫,他們買了麻繩、哥羅芳及手套。曾解釋他協助劉買物資因為「佢叫我哋買,而我哋買嚟屋企都有用,順便買」,他指「屋企好多人飲酒,我哋會將玻璃樽掉落麻包袋,要攞麻繩先綁得實」;手套可用作「開party整嘢,搞熱水爐啲管」;哥羅芳用來「黐屋企啲亞加力書架」。


曾指事發時他本在單位閣樓睡覺,但突聽到死者大叫「X你老母咪玩啦」,有人叫他落樓幫手,他落樓見劉壓在死者身上,張善恒被壓在死者下,他按劉的指示替死者打了兩次酒精針,聽從劉的指示因「嗰刻完全唔知發生乜嘢事,淨係知佢個樣好兇⋯⋯我已經好驚,佢叫我做乜就做乜」。曾稱他替死者打完酒精針後劉才鬆手,此時死者已無反應,張一度替死者施心外壓。及後他們發現死者已亡,張質問劉「做乜屋企整死人」,劉吩咐他翻查死者手袋或身上有否貴重財物。

【更多即時新聞詳情請上東網新聞

你可能還想看