研究報告指 地球持續暖化 人類文明30年後玩完?!

19+

 

1999同2012呢2個被當成人類世界末日嘅大限都過咗,

我地應該有排玩啦啩?

 

澳洲一個智庫就出咗份報告,

提提你如果而家人類再唔做啲嘢保護地球,

30年後就係文明社會嘅末日!

 

報告勾勒出好多驚心動魄嘅畫面,情況遠超人類生存的能力。

 

根據推斷,未來10年,各國政府冇遵守關於控制碳排放嘅「巴黎協議」,

大氣中二氧化碳含量係2千萬年來最高,地球溫度持續暖化,

平均氣溫上升攝氏1.6度。

10年後,碳排放去到高峰,之後會下跌,

但係使用石油、煤碳等化石能源,令溫度喺2050年升多攝氏3度。

 

30年後,暖化影響到北極冰塊同南極永久凍土層,

即使完全冇碳排放,氣溫繼續升。

到時,全球55%嘅人類,每年要面對足以致命嘅酷熱高溫。

北美同中國會面對乾旱,非州會有乾燥熱浪,農作物失收,

人口會移到其他國家,引發邊境、衛生問題。

軍事衝突升級的話,可能會爆發核戰,人類文明將面臨極大威脅。

 

唔想下一代或者老咗嘅自己,要住喺多災多難嘅時代,

最有效嘅方法梗係由而家開始,盡量選擇可以減少碳排放嘅生活方式啦。

國際氣候組織話,能夠將地球溫度升幅遏制喺1.5度之內,

上面講嘅局面係有機會扭轉!

原文傳送門

你可能還想看