研究指新冠疫情令美國流失至少50萬勞動人口

史丹福大學與麻省理工學院嘅學者最近進行一項研究,結果顯示新冠疫情令美國流失至少50萬勞動人口,隨著疫情持續,影響可能會上升。 研究指,疫情期間有幾百萬人離開勞動市場,原因包括退休、照顧兒童及對疫情嘅恐懼,今年8月美國勞動人口為1.64億,首次超過疫情以來嘅水平,但學者認為,如果唔係疫情,人數會再多50萬人。 研究又指,分析近30萬人嘅就業數據,疫情以來每1000人有近10人因為健康問題請假,較疫情前平均6人多。 現時美國勞動人口緩慢復甦,對工人有高需求,成為美國經濟嘅壓力,並有增加商品價格嘅可能,因此勞動人口問題亦影響降低通脹嘅速度。