【研究發現】主人壓力指數 狗狗反映得到

  好多狗主放工返屋企,都會第一時間索吓個寶貝陣除,真係聞一聞格外醒神~   作為你嘅好朋友,狗狗陪你之餘,仲會感受到你所受嘅壓力。   瑞典一項寵物狗狗皮質醇水平嘅研究,發現呢種壓力荷爾蒙,喺主人同愛犬身體嘅水平,係同步升跌架。   研究為期2年,於夏天及冬天抽取人同狗嘅毛髮,測試皮質醇水平。科學家話,係首次發現兩種不同物種動物,有咁長期嘅皮質醇同步關係。   研究人員又將狗狗生活環境、主人工作時數、同幾多狗狗同住等因素比對,排除咗呢種同步關係,同住喺同一環境有關。反而主人性格,更加影響狗狗壓力水平。   咁講,會唔會令神經質嘅主人覺得,因為自己係緊張大師,搞到毛孩都有壓力?研究人員就話,即使人狗壓力同步,但係一齊生活有個伴,始終都係對雙方較好。原文傳送門

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能