研究︰睇AV加速地球暖化
愛地球,除咗少用塑膠產品、減少用電、blahblahblah之外,
原來!仲要睇少啲AV!
法國一項研究指出,影片傳送嘅數據流量,佔全球總流量6成。
網上數據傳送其實係會消耗能源,產生溫室氣體,
而每年淨係睇片已經合共製造3億噸二氧化碳。
喺影片傳送嘅數據當中,有近3成係來自……AV。
即係個地球因為大家睇「愛情動作片」而得到差唔多1億噸二氧化碳。3
多謝晒~
另外,睇自選影片例如netflix節目,就佔影片流量34%,
睇youtube片佔21%。
假如你收工食飯睇netflix,沖完涼睇youtuber直播,瞓之前搵「甜嘢」睇……
你咁就產生咗溫室氣體,令地球暖化喇。
所以研究單位話,消閒式上網同揸架「大食」汽車一樣咁消耗能源,
希望大家可以保持清醒,只用網路做有意義嘅事。
係咪即係上連登同用telegram呢?