祖藍火速「落台」 唔慣做官

·1 分鐘文章
祖藍(左二)對住阿姐口窒窒,祥仔及賴慰玲笑住「食花生」。
祖藍(左二)對住阿姐口窒窒,祥仔及賴慰玲笑住「食花生」。

無綫首席創意官王祖藍上任後策劃配音競技節目《好聲好戲》及《日日媽媽聲》,記者會上對着汪明荃卻口窒窒,他笑說:「梗係啦!同阿姐開會,佢聽到個節目就問我有乜好睇!」《日》首集請來袁詠儀做嘉賓打頭陣,主持余安安搞笑敬禮,笑指祖藍是無綫第一個「官」,他即說:「秋官先係無綫第一個官!」介紹節目後,她笑說:「冇你嘅事,落台啦!」祖藍即自嘲:「我成為第一個最快落台嘅高層。」

受訪時被問到可習慣「做官」?祖藍笑說:「唔慣,最唔慣朝九晚唔知幾多。今日開會傾藝員人工、續約,終於知道『過塘』嘅神秘面紗,點樣去『雪人』、傾約、續約,依家學習階段,了解唔同部門,所以拍唔到劇。」至於余安安雖然少有主持節目,但表示沒有壓力,因為兩位拍檔陳凱琳及羅敏莊口才了得,又坦言暫時無意拍劇,要準備湊孫。

另外,《好》由阮兆祥及賴慰玲主持,並由汪明荃擔任評判,祥仔說:「今次都係開創先河,TVB未試過有配音嘅競技節目,好多花旦、男主角報咗名參加。」他們又表示最開心是再有《開》這個現場節目,認為對台前幕後都是最好的訓練,有信心贏收視及廣告!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能