神秘藝術家Banksy又出手 英國髮廊頓變景點

·1 分鐘文章

街頭塗鴉大師Banksy一直以來身份成謎,不過其街頭作品就不停出現,無人知幾時畫,亦無人知會於何處出沒。日前英國諾丁罕郡一間小型髮廊外嘅磚牆,就出現一幅塗鴉,一位小女孩將單車輪胎當作呼拉圈轉動,而於塗鴉旁邊亦真係有一架被拆去一個轆嘅單車,可以話係結合現實嘅塗雅作品。

一開始大家都只係估係Banksy嘅作品但未敢肯定,直至Banksy IG自己貼出作品先正式確定為其出品。當然消息傳出後引起一片哄動,吸引大量遊人前往觀景,一時間無名髮廊變成人氣景點。有專門研究Banksy作品嘅專家就話近大半年Banksy作品都極有幽默感,相信係為咗疫情之間帶給世人一絲歡樂。而早前Banksy亦創作多幅與疫情有關嘅塗鴉,包括於醫院牆上嘅作品,一位小朋友以醫護人員公仔當玩具,將蜘蛛俠及蝙蝠俠公仔棄於一旁,暗示醫護人員先係大家嘅英雄呢!

Banksy最新一幅作品出現於英國一間小髮廊外牆上。 (圖:Banksy@IG)
Banksy最新一幅作品出現於英國一間小髮廊外牆上。 (圖:Banksy@IG)
早前一幅作品,於醫院牆上畫上一位小朋友以醫護人員公仔當玩具。 (圖:Banksy@IG)
早前一幅作品,於醫院牆上畫上一位小朋友以醫護人員公仔當玩具。 (圖:Banksy@IG)
Banksy不定時出現於大街小巷中塗雅,神秘身份至今仍無人知曉。 (圖:Banksy@IG)
Banksy不定時出現於大街小巷中塗雅,神秘身份至今仍無人知曉。 (圖:Banksy@IG)

相關文章:

本港好去處尖沙咀美食運動一日遊-競技館任食-2-小時大閘蟹靚景

跟著朝霧記走訪消失的台北眷村-2020臺北地景公共藝術計畫

後悔莫及女子偷龐貝古城遺物衰運跟足-15-年