禁足7日終解封 逸葵居民嘆陰功

葵涌邨爆發疫情致3幢大廈須圍封禁足，其中由5天「加監」至7天的逸葵樓昨晨解除禁令，有居民急不及待呼吸自由空氣、趕着上班，更有個別家庭拖着行李篋離開家園，擔心疫情再起、或遭二次禁足。有居民直言在家隔離的7天很痛苦及恐怖，「慘過中招」。政府則向居民發信，承認居家隔離期間有安排不足之處，並向居民派發內有臘腸、冬菇及鮑魚等的「福袋」， 以表歉意。但憤怒的居民對政府的小恩小惠嗤之以鼻，直言是「做騷」，狠批政府安排欠妥。

仍未通知發放病假紙

任職維修保養的吳先生形容落樓檢測及禁足恍如劇集《魷魚遊戲》，「入咗嚟就冇得走，之後有居民一個一個咁車走」。他批評當局安排十分差勁，膳食不佳，僅派過一次清潔用品，且只有漂白水，不夠用之餘亦不能噴身，「我哋唔係需要你啲年糕， 我想要啲消毒用品」。他又指，當局至今仍未有通知病假紙的發放事宜，「政府開記者會講自己有幾叻，封咗幾多地方，有幾快做到嘢，但冇講受影響人士之後點呢。」

居民陳女士亦批評圍封安排混亂，衞生情況欠佳，當局沒有盡早消毒大廈的各個樓層及升降機等公共地方，認為政府視他們為「白老鼠」，一直實驗但沒有改善。她指，從街坊通訊群組得知，最少有兩、3人反映因圍封而失業。

指隔離感覺驚過染疫

任職營養顧問的高小姐指，原本已打定輸數要「困住過年」，直言「好似喺度等確診咁」。她表示，一直擔心排隊檢測期間會被交叉感染，「日日都要逼，日日都要見咁多人，其實都好擔心」，認為當局應提早安排分批進行檢測，避免同一時間多人聚集。她又認為感染Omicron不是很嚴重，反而自己十分不願被隔離，「個感覺真係好恐怖」。

居民馮先生則慨嘆葵涌邨已被標籤為「疫區」、「疫廈」，「咁嘅情況我出去返工嘅時候，有人問起知我住葵涌，佢哋會有咩感覺呢？會有咩反應呢？」他指，身邊的朋友亦表明新年不要見面，令他更憂慮在工作場所會被排斥。他又批評派福袋是「做騷」，「你講幾多感謝說話都冇用，因為帶畀我哋嘅影響係深遠，而唔係一個禮品包可以補償得到」。