科學解釋李小龍「寸勁」秘密 唔關肌肉事
今年係李小龍逝世45周年。 同外國人講Chinese Kung Fu,Bruce Lee依然係一個icon。香港人對佢嘅集體印象,除咗係黃色track suit拍《死亡遊戲》、死訊傳來時嘅全城震撼,仲有上《歡樂今宵》示範「寸勁」嘅一幕。 當年李小龍用指尖對住木板,輕輕向前發力收拳,就打爆塊板,全港觀眾O晒嘴,亦都認識呢種叫「寸勁」嘅招數。以前嘅人單純啲,睇完《幪面超人》會學主角飛越高樓(結果真係有小朋友跌死),問返阿爸嗰輩,可能都好多人睇完拎塊木板嚟試,結果手都腫埋…… [embed]https://youtu.be/oRf49fMVOLE[/embed] 究竟點先可以運用到「寸勁」?係咪要練到李小龍咁一身肌肉?史丹福大學研究員就發現,「寸勁」之勁唔係出拳力度夠,而係講求全身肌肉協調。 呢位研究員Jessica Rose見到,李小龍係先以腿部發力,由下至上、後至前咁將肌肉力量輸出,而唔係單靠上身或者手臂發力。打木板嗰下,仲會稍為收拳,等力量更集中。 冇得研究李小龍身體構造,但係幾年前另一位英國學者Ed Roberts,就搵咗一班練習空手道13年以上嘅黑帶高手,睇吓佢地同常人嘅腦部構造有咩分別。結果發現,習武之人嘅小腦同運動皮層(white cortex),喺打出類似「寸勁」嘅招數時,大腦負責細胞協調嘅白質(white matter),活躍度比起普通人強得多。而且越早開始訓練,效果更明顯。 如果李小龍冇離開,佢而家打「寸勁」會唔會都係咁勁?英文報導原文中文報導
19+精選推介
秒like 19+ Facebook!