稚氣「棋仔」變顧家男 吳業坤帶老婆返港:要開行Turbo搵錢

吳業坤上載身在機場的照片,但太太未有上鏡。
吳業坤上載身在機場的照片,但太太未有上鏡。

剛為「人夫」的吳業坤前日從日本返港,由大細路頓變「愛妻號」,有擔當的他受訪時坦言:「以前做棋都冇問題,依家要有養家責任,會繼續努力工作!」

藝人吳業坤上周在社交網公開婚訊,留言:「想簡單地同大家講一聲,小弟結婚了!感覺好微妙,一直都覺得自己仲係小朋友咁,唔知道幾時先叫大人,可能調番轉要佢照顧番。」由於他向來愛開玩笑,大家最初對其「婚訊」有所懷疑,但其27歲日本女優妻子濱口愛子隨即被起底,在日本曾任演員、主持及DJ。其實早於吳業坤報喜前,女方已在社交網公開婚訊,當地傳媒亦曾報道她嫁給「香港歌手」的消息。

前日,吳業坤已帶同太太返港,到埗後即在限時動態上載單人照,留言:「等咩?」之後又上載一張機場照並寫道:「香港的天氣好像不太好。」不少網民即時留言歡迎他返港,但最多人問的是:「是否帶同靚靚老婆返港?」、「一個人去三個人返?」似乎關心其靚老婆多過他,但他護妻說:「希望畀啲空間太太,應承大家喺一個合適時間會正式介紹畀大家認識,始終要時間適應一下,我唔想令太太有壓力。」

出EP賀新婚

問到何時「出動」工作,他說:「悠長假期後,真係要開行Turbo工作搵錢,以前做棋都冇問題,依家有養家責任,公司叫做咩就做咩!拍劇、綜藝、演戲多啲嚟密啲手,同步唔少得就係我最愛嘅音樂工作,多謝公司同樂小姐(樂易玲)送咗隻EP畀我做結婚賀禮,依家密鑼緊鼓製作新歌中。」

吳業坤帶日本太太「榮歸」,網民紛紛八卦是否「一個去三個返」。
吳業坤帶日本太太「榮歸」,網民紛紛八卦是否「一個去三個返」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能