稱與鄧麗欣不算好友 捱轟 方力申修改關係:我係佢粉絲!

方力申自爆與鄧麗欣私下有食飯見面。
方力申自爆與鄧麗欣私下有食飯見面。

藝人方力申日前公開表示與舊愛鄧麗欣稱不上好朋友,亦未想過翻撻,惹來網友炮轟欠得體。昨日他現身無綫活動時表示,一番言論純粹講笑,更自爆雙方私下有食飯,關係已變成偶像與粉絲。

方力申(小方)、姚子羚、余德丞、朱智賢、陳庭欣等昨日出席無綫《2020東京奧運會》記者會,小方透露將於後日出發日本東京,可是連日來忙於開工,仍未收拾行李。談到他稱未想過追回甩拖舊愛鄧麗欣(Stephy),雙方亦不算是好朋友,結果被網友炮轟不得體,他解釋只是開玩笑:「嚴格嚟講我係佢粉絲,網絡世界要互相關注先係朋友。(驚唔驚Stephy誤會?)唔會,娛樂圈係咁至有話題。」更指近年與對方私下有跟一班朋友見面食飯,關係如同粉絲與偶像,問到是否「落閘」?他說:「唔係。(即係唔排除復合機會?)冇諗呢樣嘢,不過依家我冇拍拖。」

余德丞對於前緋聞女友蔡思貝曾因出風瘌入院,他反應很大說:「吓!入院咁誇張?媽咪有教我可以搽酒餅,佢又唔同我講。(發現思貝孱過你?)其實佢強過我好多,拍劇又打又跳。」

恐吳業坤騷擾運動員

而子羚近日與好姊妹龔嘉欣合作節目《仨心友行2》,表示每日於烈日下拍攝,室內氣溫高達40多度,幸好未有中暑,問到2人是否冰釋前嫌?她說:「從來都冇嘢,係外間講啫,我哋以前又飛過去馬來西亞做節目,所以有晒默契。」此外,吳業坤與周奕瑋昨早率先出發到東京進行直擊,後者爆吳業坤對女子空手道運動員感興趣,笑稱為免他影響運動員表現,到時會阻止他作出「騷擾」行為。

方力申(左起)、姚子羚及余德丞出席無綫《2020東京奧運會》記者會。
方力申(左起)、姚子羚及余德丞出席無綫《2020東京奧運會》記者會。
吳業坤與周奕瑋率先出發到東京。
吳業坤與周奕瑋率先出發到東京。