空中巴士連續3個月零訂單 16年來最慘淡
肺炎疫情對航空業有幾大打擊,相信都唔需要多講,作為全球飛機界兩大巨頭之一嘅空中巴士,自4月開始至6月結束,整整3個月期間零訂單,一架飛機都賣唔出,情況令人相當憂慮!無新訂單,空中巴士目前就只能趕製去年及前年客戶訂嘅飛機,6月份交出36架飛機、5月交出24架,總計上半年交出共196架,比起去年同期389架足足少咗50%!空中巴士公司就估計,疫情所影響公司未來兩年業績會減少4成,公司將會裁員11%員工,約15,000多人。據航空業研究公司估計,呢3個月零訂單嘅情況,將會反映於明年、後年業績,估計空中巴士今年全年交機量為603架,但明年則只會剩355架呢。
相關文章: