空貨架前來遲一步 伯伯背影睇見心酸

19+

 

呢隻病毒最恐怖係咩?唔係會令人死亡,而係引起恐慌。

 

香港早排出現過嘅搶購食物同日用品嘅情況,

隨住疫情擴散到西方國家,

呢種畫面亦都一併輸出到外地。

 

英國疫情開始惡化,當地人恐防封城又或者要自我隔離,

紛紛去超市掃貨。

有網民就影到英國Surrey一間超市,喺吉晒嘅廁紙貨架前面,

有個伯伯望住shopping list但係一無所獲,企咗喺度,好茫然。

唔少網友睇見都覺得傷心,甚至話唔介意捐晒屋企啲廁紙俾伯伯!

英國嘅超市已經出限買令,以免太多人囤貨嘅同時,

另一邊廂會有人用都唔夠用。

不過似乎未能湊效,倫敦西北部有超市凌晨5點半就有人排隊等買嘢。

 

喺疫情未太嚴重嘅加拿大,有超市就特別設立「長者購物時段」,

只限老友記入貨,以免佢地唔夠爭。

原文傳送門

你可能還想看