突發消息！恒馳實車在馬路上行走

恒大汽車尋日喺天津生產基地召開戰略合作夥伴大會，透露咗會用「三個月攻堅」，明年初在天津工廠投產恒馳系列第一架車「恒馳5」；正當市場猜測會唔會又係「出口術」定軍心策略，網上就傳出幾張恒馳實車落地嘅相片。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

唔再得個車殼

話說就係戰略合作大會，有「恒馳5」實車試車，同場有兩架「恒馳5」都係首度亮相在馬路上行走，唔再得個車殼。

點解實車咁緊要？皆因恒大一直被批評PPT「紙上造車」，車展模型車得個樣；9月時傳出有人已經試駕「恒馳5」，聲稱已經跑了15000公里，充電五分鐘、續航兩小時「一點小毛病也沒有，說實話是一輛好車」，但由於該照片顯車上沒有牌照，而被質疑假圖。

企業註冊資本1億增至10億

近日內地恒大恒馳新能源汽車研究院（上海）有限公司更被揭發企業註冊資本由1億元增至10億元人民幣，有分析指是許家印真的想造好恒馳，提高註冊資本方便日後融資。

照咁睇，既然開咗個頭，明年點都要有恒馳，而且恒馳量產百利而無一害，賣不賣出去不重要，賣不出也可以用來抵債，甚至買樓送車也可以，目前只看恒大，是否真的可以量產出來了。

相關報道：

• 恒大汽車(00708.HK)：「恆馳5」將於明年初在天津下線