童你一起長大了︱譚玉瑛張沅薇重扮當年經典 朱茵學生相曝光力證由細靚到大

TVB綜藝節目《童你一起長大了》由譚玉瑛、黎芷珊及蓋世寶主持，上星期日（10日）播出第2集，以「童路同行」為主題，回顧歷年兒童節目嘅經典角色：「麥偵探」、「殭屍孫女」、「烏卒卒」、「四眼鼠」及「妹妹」，其中譚玉瑛、張沅薇更重扮「烏卒卒」、「四眼鼠」角色。

48歲張沅薇與音樂人王雙駿結婚與誕下囝囝後，淡出娛樂圈，及後離婚，努力擔任客戶服務、酒樓知客等工作獨力照顧囝囝；雖然現已闊別娛樂圈超過20年，但張沅薇外貌如凍齡一樣，配合眼鏡造型，做到神還原「四眼鼠」一樣，就連譚玉瑛都大讚對方好似唔識老咁。

另外，當年《閃電傳真機》主持人朱茵亦透過錄影片段，並以孖辮髮型向觀眾及昔日拍檔問好，而佢嘅學生相亦曝光於鏡頭前，力證「零走樣」。一班主持人就對朱茵當年嘅美貌有讚無彈，僅得麥長青（麥包）話朱茵唔靚：「我不會以『靚』來形容她，我會說她活潑、開朗。」反而朱茵就大讚麥長青係暖男：「我當佢好好朋友架！佢有時好似大哥哥，有時好似同輩，又會當我小朋友咁氹。」譚玉瑛亦喺節目上大爆朱茵當年成日趕收工返屋企食飯，大讚朱茵係乖女。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！