笑到最後|認住新巴巴:阿根廷阿里巴巴(高明)

<a class="link " href="https://hk.finance.yahoo.com/tag/騰訊" data-i13n="sec:content-canvas;subsec:anchor_text;elm:context_link" data-ylk="slk:騰訊;sec:content-canvas;subsec:anchor_text;elm:context_link;itc:0">騰訊</a>及<a class="link " href="https://hk.finance.yahoo.com/tag/阿里巴巴" data-i13n="sec:content-canvas;subsec:anchor_text;elm:context_link" data-ylk="slk:阿里巴巴;sec:content-canvas;subsec:anchor_text;elm:context_link;itc:0">阿里巴巴</a>模式已經證實成功,將不同國家創新科技概念大集合,形成一個巨無霸,再喺一個經濟發展未成型嘅國家實行。

高明7月27日喺「笑到最後」寫「新騰訊:Sea Limited(SE)」,當時股價為276.39美元,股價10月破頂最高見372.7美元,升34.85%。同期騰訊(700)升7.22%。兩大股票概念相近,甚至都係新興市場高增長地區,不過上市地區唔同,變相香港買騰訊,付出藍籌嘅價格,買來三線股的價值,近期美國三四線股大炒特炒,騰訊竟然缺席,足見曾經嘅香港天皇巨星,已經回歸平靜。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

大家都愛騰訊及阿里巴巴(9988),因為股價升,但如果股價只係橫行,甚至如阿里巴巴般下跌,咁就不好愛。愛係有條件,我愛你,你隻股都要升先得嘛。

騰訊及阿里巴巴模式已經證實成功,將不同國家創新科技概念大集合,形成一個巨無霸,再喺一個經濟發展未成形嘅國家實行,將會成為一隻既有增長同時又能尋租保持地位嘅龐然巨物。此一模式嘅成功,引嚟無數未發展國家學習,成功輸出騰訊及阿里巴巴模式。

南美網購龍頭 兼營支付

錯過上一個十年,其實仲有下一個十年,向世界出發,尋找尚未脫貧地區嘅騰訊及阿里巴巴,十年前幾個價位走咗未圓嘅夢,十年後係可以洗牌再嚟一次,只要你唔區泥於形式。

繼高明發崛新加坡騰訊Sea Limited後,下一隻當然係未來阿里巴巴,就係阿根廷嘅MercadoLibre Inc.(MELI)。佢係阿根廷阿里巴巴,點解用阿里巴巴做比喻唔用亞馬遜(AMZN),因為大家都係新興市場。除咗係南美洲大部分地區網購龍頭之外,亦係類似於PayPal (PYPL)嘅支付系統供應商,所以相對會更加似阿里。MELI擁有7,600萬名活躍用戶,值得一提呢間阿根廷公司收入55%來自巴西,24.8%嚟自阿根廷,墨西哥14.5%,其他則分佈唔同南美洲國家。網購僅佔巴西零售支出12%;智利為10.5%,墨西哥為8.5%。即仍有很大潛力發展。

至於點解佢會係新阿里巴巴?因為巴西人均GDP只得6,796美元,阿根廷只得8,441美元,而中國則有強大嘅10,500美元,中國已經脫貧,令阿里巴巴由高增長股變成成熟股份,情況有如亞馬遜長期橫行格局,反之,未脫貧嘅市場如阿根廷及巴西將有更大潛力,支持MELI持續發展。MELI今年股價下跌8.28%,相對阿里巴巴下跌27.13%。

香港人對騰訊及阿里巴巴嘅熱愛,又豈止係流於表面,只要精神存在,注入兩者嘅成功關鍵,又何需死牛一面頸在乎個名,只要行緊嗰套嘅股份,買入就等同支持咗騰訊及阿里巴巴模式,情況有如千禧之後買Google(GOOGL),等於支持咗Yahoo;買入蘋果(AAPL),等同向HP(HP)Dell(DELL)致敬。買入一對Sea Limited同MercadoLibre Inc.,就係香港人對騰訊及阿里巴巴嘅最大致敬。

高明

facebook:https://www.facebook.com/bigricetea

IG:https://www.instagram.com/koming.usstocks/

作者簡介︰賺錢係目標,炒股係手段,專欄記載由手段到目標嘅過程。

本欄逢周三刊出