笑笑口宣傳「燁」緣劇 朱智賢:上咗寶貴一課

·1 分鐘文章
朱智賢(右)獲放生宣傳新劇,拖住陳曉華晒腿。
朱智賢(右)獲放生宣傳新劇,拖住陳曉華晒腿。

何廣沛、江嘉敏、陳曉華與朱智賢等,昨日在將軍澳電視城宣傳於myTV SUPER搶先播的劇集《食腦喪B》。該劇因有份演出的朱智賢與人夫黎振燁「偷食」一度變成倉底貨,2人亦被雪藏,但朱智賢最終獲「放生」恢復工作兼為劇集宣傳,而黎振燁則繼續銷聲匿迹,由宣傳海報至活動都冇影!

監製吳冠宇指劇集沒有刪除黎振燁的戲份,而朱智賢宣傳期間笑容滿面,沒甚避忌。她受訪時被問到睇劇可會勾起回憶?她說:「唔會,都過咗去,大家都應該向前看,亦唔想事件扼殺其他演員嘅努力。經一事長一智,我從錯誤中學習,今次係好好嘅教訓,上咗寶貴嘅一課。(黎振燁冇你咁幸運翻生?)演員好被動,都係睇公司安排。(佢話冇諗過復出?)唔清楚,其他人嘅嘢唔評價。(同男友睇劇尷尬?)私人嘢唔講喇!」

何廣沛力撐非倉底貨

對於劇集重出生天,男主角何廣沛說:「唔係好耐啫!預期再耐啲,但冇諗過出唔到,後期早排先做好,所以唔算倉底貨。」江嘉敏則自爆最近為新劇減10kg:「依家減咗3kg,冇可能減唔到!新劇要剪短頭髮,依家學緊中國功夫同吊威吔。」

江嘉敏餵何廣沛的「美食」,似乎很重口味!
江嘉敏餵何廣沛的「美食」,似乎很重口味!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能