第三者出現令5年情玩完 Jer獲《造星4》Alice力追

·3 分鐘文章
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】MIRROR成員柳應廷(Jer)與女友Kelly拍拖5年一直恩愛,不過近日卻傳出情變消息,先是Kelly突然取消關注Jer的社交平台,又刪取所有跟Jer的合照,Jer出席活動時曾否認分手,表示兩人還是戀人關係,並稱會努力𠱁回女友,不過最終仍是感情破裂,Jer已取消關注女友的社交平台,據知兩人分手主要原因是因為Kelly發現Jer為《全民造星IV》擔任導師時被22歲有翻版朱茵之稱的參賽者許寶恆(Alice)力追!文︰娛樂組

柳應廷(Jer)與女友Kelly傳出情變後,Jer出席活動時承認與女友只是冷戰數天,只是普通情侶鬧交,不涉及第三者,並會努力𠱁回女友,正當大家都以為一對小情侶只是「耍花槍」,但最近Jer的社交平台已經取消關注女友Kelly的帳號,而原本Kelly還繼續追蹤Jer的fan club帳號,最後亦被網民發現已經取消關注,擺明一刀切;而Jer和新歡Alice就繼續互相關注對方。

擔任導師擦出火花

知情人士透露:「其實係Kelly突然發現咗Jer同《全民造星IV》一個參賽者傾偈傾得好密,發覺開始唔對路,再聽身邊啲人講,更嬲到要分手,最後決定將Jer移除唔俾佢關注,決定一刀切,不過Jer的社交平台仍保留緊與女朋友的舊照及片段,希望有得救!」

今年《全民造星IV》目標是選出女團,節目播出亦已進入25強,Jer擔任導師時與今年只有22歲、有翻版朱茵之稱的參賽者許寶恆(Alice)開始接觸有交流,Alice更主動向Jer發動追求攻勢,Jer亦非常受落,沒有避忌和Alice私下「交流」。

Kelly嬲到震嗌分手

Alice身邊好友透露:「Alice本身只係做文員,自己都男朋友,參加《全民造星IV》時雖然唔係特別唱得跳得,但後生又靚女,評判都好鍾意佢,最後入到30強再遇到Jer做導師,Alice難得見到偶像當然進取,後來仲同Jer交換電話,成日私下聯絡,Alice仲周圍同身邊 人講話Jer表示想同女朋友分手,同一時間Alice又想同男朋友分手,Alice話覺得自己同Jer係同一時間想同另一半分開而遇到大家係緣分,不過Jer好小心,唔係成日覆佢訊息,Alice就沉晒船,又周圍同人分享,所以好多參賽者同埋ViuTV工作人員都知道呢件事,個個勸佢收手都唔聽,最後Jer女朋友發現嬲到即刻嗌分手!本來Jer都有極力挽救,但始終佢自己工作忙加上大壓力,都冇乜心機𠱁,加上見到Kelly態度決絕,佢都接受大家冷靜下!」

■Jer因擔任《造星IV》導師,間接令戀情玩完。

■許寶恆進入《造星IV》25強。

■決出25強後,梁祖堯功成身退,不再擔任導師。

■許寶恆雖然唱跳不精,但勝在後生又靚女。

■許寶恆只得22歲,夠晒青春。

■Jer在入行前已經跟Kelly拍拖。

■Jer與前女友一直恩愛,直至第三者的出現。

■有指Kelly發現Jer與Alice經常私下聯絡,所以主動提分手。

娛樂

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能